يله نبدء
بسم الله
-صلو على النبي-
(احيانآ نجرح اشخاصآ بدون قصد ونتألم لاجلهم)
ذياب"شبيچ جاوبي ليش ساكته جاوبي احچيها بوجهي
گليلي انتو فلاحين واني ماريد هيچ عيشه.
ماتحملت الموقف ونزلت دموعي حسيت روحي مختنكه اعرف بروحي مايصير اكول هيچ بس هو عرفها.
ماكدرت ارد عليه باي شيء وبقيت واگفه مكاني ومارحت.
ذياب"ماتكدرين تردين لان كلامي صحيح خليني أگلچ سالفة يابنت العز ترى سوى كنت ابن قريه او مدينه ترى كلنه مصيرنه نموت ونصير جوه التراب الواحد مايخذ گلشيء وياه غير اعماله بالدنيا لاهذا ابن مدينه ولا هذا ابن رئيس ولا هذا ابن قريه وترى الفلاحه شبيها هذا عمل شريف على الاقل الواحد يكسب رزقه بالحلال هسه تلكين الحداد والنجار والي يبنه بيوت وحتى الفراش كل واحد يتعب علمود رزقه العمل والفقر مو عيب ترى حتى الانبياء بوقتها گانو يعملون حتى يحصلون على لگمة عيشهم.
بقيت ساكته واني اعرف گلامه كله صحيح حسيت بروحي صغيره وصغيره حيل على تفكيري.
سگت شويه وبعدين گال"ترى الي الله سبحانه وتعالى يريد يگتبله السعاده ماتهم گل المعوقات اكو وحده اخذت رجال غني مانسعدت تزوج فوگاها ثنين او ثلاثه واكو وحده تزوجت رجال فقير انسعدت اكو وحده تزوجت موظف مانسعدت بحياتها واكو وحده تزوجت بطال وانسعدت والعكس صحيح هم واكو تزوج كرابتها وماتنسعد واكو تزوج قريب وتنسعد فكري بكلامي زين لا تكعين بقسمه بعدين تعبانه وماتفيدچ يجوز هسه ماتستوعبين كل گلامي بس يجي يوم راح تستوعبينه العمل الشريف عمره مكان عيب وهسه مع سلامه والله يگتبلچ الي بي الخير لان تفكيرچ گله خطأ ليش تلبسين هل نقاب وهل كفوف وانتي داخلچ مدا يمثلهم ابد.
نرفزني كلامه حيل جرحني اذا ابقى ساكته راح يتمادى وهو گلشيء أنتهى اكيد وره هاي سالفه شعندي ابقى جبانه خلي اتشجع وارد عليه.
ماريا"مسوي روحگ فيلسوف براسي ودا تنطيني محاضره دنيه باي حق هيچ دا تحچي ويايه واذا گلت انتو فلاحين قابل كفرت گلتلي رأسي بالحچي بس صح كلامي شنو يجيب المدنيه للقريه تربيتي وحد عنكم گلشيء يختلف خليني أگوله لك طك بطك اي أنتو فلاحين عمري ماتخيل روحي اعيش اهناكه ماتخيل روحي اعيش حياة الفلح واچي احلب بقره من الصبح اني وياگ حتى بداخل عقلي مستحيل ننجمع ساعدتني شكرآ مانساها للموت بس تحچي هيچ ماقبلها وگفتك ويايه أكبر غلط انت غلطان من البدايه بگلشيء فلا تگعد تحچي عليه وعلى نقابي واني مايهمني رأيك بيه واتمنى بعد مانلتقي ابد أتمنى الموت ولا اطلب مساعدتك.
توني مشيت خطوتين وگال"والله ثاري طلع عندچ لسان واني اگول فقيره ماتعرف تحچي سالفتين ترى يجي يوم وتدفعين ثمن كلامچ هذا وابقي تكبري يجي يوم وتحلبين البقره بيدچ وگولي ذياب مكال وراح تسوينها عن طيب خاطر ولادگولين ماتطلبين مساعدتي لان حياتنه طويله واكيد تحتاجين مساعدتي بيوم ونصيحه اعرفي شلون تحچين لاتشوفين شيء مايعجبچ.
أنت تقرأ
مكر رجل ودموع انثى(باللهجه العراقيه)
عاطفيةرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
