يله نبدء
بسم الله
-صلو على النبي-
(أخاف ان افقدگ واريدك بقربي وان تكون بخير هل هذا هو الحب ام شيء اخر)
حط ايدينه على ايديني وگال"ياروح طروقي انتي گنت تعبان بس هسه ارتحت شحلات دلع اسمي على السانچ بس شنو هاي بس طروقي مانحصل غير شيء حياتي عمري حبيبي نبض قلبي.
استحيت من گلامه وگلت"أگيد ماتقبل اكلك شيء ماطلع من گلبي خليها للوقت بلكت اتعود المهم أنت المسؤول عني وماريد اخسرك.
طارق"تمام براحتچ هسه اني راح اروح سدي باب الغرفه ولاتنزلين اخاف احد يسمعچ شيء وتنقهرين.
زينب"تمام ان شاء الله.
طارق"خما ضوجين تبقين بوحدچ بالغرفه اذا ضوجين وتريديني ابقى يمچ گليلي.
زينب"لا متعوده هواية قبل گنت ابقى بغرفتي مانزل لادير بال وعفيه اي احد يستفزك بموضوعي ابقى ساكت لاتعصب ترى عمامي يريدون يستفزونك.
طارق"والله تغيرتي زنوبه وصرتي تنصحين عفيه عليچ ابقي حكمي عقلچ ولاتتصرفين بتهور ابد اخذيها نصيحه للحياة وتذكري لو يخيروني بين الموت لو اتخلى عن حمايتچ اختار الموت بكل فخر.
دمعت عيني من گلامه وگلت بحزن"الله يطول بعمرك لاتجيب طاري الموت على لسانك.
طارق"گلشي يصير بالمستقبل ترى الدنيا زائله ومصيرنه كلنه نموت حاولي تقوين وتقاومين هاي الحياة شغلي عقلچ باتخاذ القرارات ولاتمشين وره العواطف بس ترديني تحمين شخص حتى لو تقسين عليه بس گل هذا حتى تحمينه.
زينب"عفيه لاتحچي هيچ بابا الله يرحمه بقى يوصيني لما راح ليش تريد تخوفني عليك.
طارق"بس اوصيچ للمستقبل الاعمار بيد الله وهسه راح اروح سلامي ياحلو.
طلع طارق وخله الف فكره تضرب بعقلي خايفه عليه وگلبي لاسبني خايفه لا عمامي مايسكتون خايفه لايروح يتاذى طارق وابقى بوحدي منو ليه بهل حياة كعدت استغفر ربي وادعي ان شاء الله مايصير شيء وهاي بس وساوس وضنون تلعب بعقلي.
☆☆☆☆☆☆☆
الاقسام الداخليه لجامعة المستنصريه
الساعه ب10بليل
عند ذياب.
كاعدين اني وجسار بالغرفه وحقي وعصام راحو يتعللون اني ماليه واهس اطلع.
كاعد واباوع على جسار ومبين مهموم ويباوع على تلفونه.
ذياب"تنتظر اتصال الحبيبه وماتصلت.
شفته ابتسم بسخريه وگال"بقت حبيبه اني خربت گلشي.
ذياب"ليش شنو صاير شبيگ صافن ومهموم شاركني همك.
جسار"المفروض اطبخ على نار هاديه رحت عليت النهار واحتركت الطبخه.
ذياب"عوفني من طبخه واحچيلي الزبده سويت لديما وزعلت منك.
أنت تقرأ
مكر رجل ودموع انثى(باللهجه العراقيه)
عاطفيةرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
