يله نبدء
بسم الله
☆☆☆-صلو على النبي-☆☆☆
ملاحظه"تنزيل يومي بعد الساعه 9ليلآ ان شاء الله البارت طوله 4500لادگولون قصير لان دا اتعب بالكتابه وماريد اختصر الاحداث لعيونكم حتى انطي القصه حقها.
(حزن يسگن گلبنه وبداية مشاعر تسلل لداخلنه بين الحزن والفرح انكتبت حياتنه)
اجاني صوته بصوت قريب مني وگال" سمعتچ ذاگ اليوم گلتي عموري حياتي.
اني نسيت گلشيء
وباوعتله بصدمه هو مبتسم واني استحيت وحسيت وجهي صار طماطه شفته ساگت عبالي ماسمع ومجاب طاري يربي فشله.
كطع عليه افكاري صوت المضمده دگول"ساعه واستلمو التحاليل من المكان المخصص.
اني اباوع بصدمه لكيت ايدي محطوطه عليها لزكه هاي ايمت سحبت مني دم وايمت حطتلي لزكه اباوع عليه مبتسم...حسيت على نفسي ونزلت رداني وگمت عرفته راد يلهيني حتى ماباوع على الابره واخاف بس يربي فشله طلع سامعني طلعنه من الغرفه...ومشيت وياه.
وگال"گل هل خجل لان گلتي عموري حياتي لعد لو گايله حبيبي روحي دنيتي گلها گان سويتي.
اني استحيت وجهي كام يذب الوان واحس حرارتي ارتفعت.
د.عمار"اعتبريني ماسمعت شيء مايحتاچ كل هل خچل .
اني استحيت والله فشله راح يگول ميته عليه.
استبرق بتوتر"ب..س بس ترى مو قصدي أگول هيچ ضوجتني ديومه بالشقه فگلت هيچ.
د.عمار"اعرف واعتبريني ماسمعت شيء ردت الهيچ عن الابره بس.
سگتت وماعرفت شنو ارد عليه.
دگ تلفونه فجاوب.
د.عمار"هلا مراد.....أستبرق زينه الحمدلله....لاميحتاج تجي وتطلب اجازه من الدوام احطلها مغذي وبنفسي اخذها للبيت لاتخاف صحتها مثل الورد......ههههههه لا حقي خليني اني وخطيبتي انت شعليگ سلامي.
اني الف علامة استفهام برأسي ليش يضحگ شنو گاله مراد وليش جاوبه هيچ بس استحيت أسأل فتنه للطوارئ سؤالي طبله دخوليت مستشفى حتى يحطولي مغذي لان مايرهم اله بدوخلية مستشفى حتى ينطوني العلاج اشترى العلاج مغذي وقنينة براستول يحطولي ياها وياه ابر بالمغذي ماعرف مال شنو.
گعدت على السديه بالردهه وهاي جتي حتى تحطلي الكانونه اني خفت..
د.عمار"انطيها ايدچ وباوعي عليه.
انطيتها ايدي وباوعت عليه عرفته يريد يلهيني وطريقته فادت..
وگالي"تعرفين مراد شنو گالي.
استبرق"لا.
د.عمار"گالي بان اني ماريده يجي حتى اخذ راحتي وياچ فگالي اخذ راحتگ بعد مازعجگ هسه يفكر غير شيء.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
