يله نبدء
بسم الله
☆☆☆-صلو على النبي-☆☆☆
(ضننت انگ تغيرت لكن في الحقيقه لم تتغير فهذا انت وهذه طباعگ)
ديما"گلي شنو الي تريده گافي تدخل بحياتي انت ماتستحي باي لغه تفهم.
جسار"اش عوفيني هادئ ولاتعصبيني ديومتي دموعچ غاليه وماريد اقسي عليچ خاف ينزلن وماتخافين لايرجع اخوچ ويشوفنه سوه شراح يسوي برئيچ.
گالي هيچ والتفت ردت اشوف رائد وين بس ماشفته وگلت هو هسه راح شنو الي يرجعه هسه فگلت"اذا رجع اگله دا يتحرش بيه واگله يتعارگ وياگ ميرادلها روحه للقاضي.
جسار"ماسويتلچ شيء انتي جيتي وگفتيني وحچيتي ويايه واخلي كلها تشهد واولهن صديقاتج الي دا يباوعن علينه هسه لوما هن واگفات گان عندي غير تصرف وياچ.
ديما"شعندگ ويه اخويه گلي.
جسار"حچي شباب انتي شعليچ وبدال ماجايه تساليني روحي ذاگه اخوچ أسالي لان گلشيء اساله لج دگليلي مالك دخل فباي حق جايه تساليني فهسه اني اگولچ مالچ دخل بتصرفاتي سلامي يحلو.
نرفزني گلامه حيل مابقى فيوز بعقلي بمكانه گلها تخلخلت وبنفس الوقت خايفه حيل وخايفه لايسوي شيء برائد فگلت"الله عليگ عوف رائد بحاله لاتسويله شيء وگلي مو اعتذرت منگ واذا تريد اعتذر نوب بس عوفني بحالي.
جسار"غاليه ديومتي بس طلبچ صعب حيل ولاتخافين اني مو حقير مستحيل اضره بشيء واخوچ يدخل القلب بسرعه وگلتلچ اني قريب منچ حيل ودا اثبتلچ هذا شيء والمره الخ راح اصير حيل قريب بحيث اعرف الاشياء الي دافنتها بگلبچ.
صدمني گلامه وگلت"أنت صدگ خبل ماعندگ شغله وعمله بس اني يابابا عوفني بحالي.
جسار"أولآ اني مو ابوج ثانيآ كل خطأ ارتكبتي بحقي أو تجاوز راح تدفعين ثمنه لاحقآ وهسه رايح لان ماريد اسببلج مشاكل روحي برري لصديقاتچ والگيلچ عذر مقنع او گليلهن اني وياه نحب بعض ودا نتواعد.
ديما"أنت ماتستحي على نفسگ قابل اني عميه حتى احب شخص حقير مثلگ.
باوعت شفته عصب وگالي"يجي يوم وتدفعين ثمن كلامچ هذا وهذا اليوم راح يجي اقرب مما تتصورين.
راح وعافني...وصراحه خوفني تهديده بس ماهتميت رجعت ولگيت أستبرق وماريا وبعيونهن الف سؤال.
أستبرق"گليلنه صاير حسيتچ رحتي حتى تكتلينه للولد منو هذا وشنو صار.
حيرني سؤالها فگلت"هذا واحد تعبان مره صار موقف وياه فاعتذرت منه وهسه شفته واگف ويه اخويه لو طير نص عقلي شگول عليه حرگلي اعصابي.
ماريا"أنتي شعندچ هديتي على الولد فضحتينه ليش سوالچ ورحتي بسرعه واذا حچه ويه اخوچ عادي.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
