مكر رجل ودموع انثى(باللهجه العراقيه)

part-11

يله نبدء
بسم الله
-صلو على النبي-

(يفرضون انفسهم علينا ولا احد يحس بنا)

د.عمار"أستبرق اضن كلت تعالي اكعدي بالمكتب شنو الي دا تسوينه اهنا لو مدا تفتهمين كلامي ولازم تعانديني.

اباوع عليه دا يحچي بعصبيه هذا من گل عقله يريدني اكعد بالمكتب مالته بصفتي شنو اگعد ومافتهم ليش كل هذا الحچي.

أستبرق"العفو دكتور انت گلت بالرئاسه وهاي اني موجوده بيها.

د.عمار"وهسه اني اگلچ فوتي للمكتب بين ماخلص ونروح للسياره سوه.

اباوع عليه هذا من گل عقله دا يحچي بصفته شنو دا يتحكم بيه.

أستبرق"العفو دكتور بس فكر بمنطق شويه نهاية دوام واني كاعده بمكتبك اي واحد يجي ويلكاني كاعده راح يستغرب فلذلگ تجنبآ لاي شيء اني ابقى كاعده اهنا لما يخلص الدوام.

د.عمار"مسويه روحچ تستحين وماتكعدين بمكتبي واكفه اهنا تقسطين سوالف ويه خليل الله واعلم لوما اجي كان حچيتيله قصة حايتچ كامله كولي من البدايه انتي تردين تلتقين بيه لذلك مافتي للمكتب بس الي مستغربه ايمت لحكتي تتعرفين عليه.

صدمني كلامه نرفزني حيل لازم اوگفه عد حده.

أستبرق بنبره غاضبه"خليل ابن خالي واي وقت اوگف احچي وياه او اطلع واطب محد له علاقه بيه وتذكر يادكتور انت دكتوري على عيني وراسي بس بالقاعه وبالجامعه بس مالگ حق او علاقه تدخل باموري الشخصيه.

د.عمار بنبره عاليه"ليه حق ونص انتي بالبيت تحت تصرف ابوچ بس بره البيت ومادامچ تجين ويايه تحت تصرفي واني المسؤول عن كل خطوه لج فاهمه وممنوع تلتقين باي شخص حتى لو ابن خالچ ماله حق يوگف وياچ وانتي بوحدچ بهل مكان.

أستبرق"لعد أنت باي حق واگف ويايه اهنا راح اطلع بره انتظر وكلشيء الي تريد تسويه سويه لاتقصر.

ردت اعبر وگف گبالي وسد عليه طريق باوعت عليه شفته معصب وعاصر كفاية ايده صراحه خوفني شكله حيل واني اباوع عليه تخيلت بابا وعصبيته گبالي دنگرت راسي وماكدرت اباوع عليه.

د.عمار"لاتخليني اتصرف غير تصرف وياچ اني ماريد اذيچ لا بالتصرف ولا بالحچي خلينه نگون حضارين شويه لاتعانديني لان والله انتي الوحيده الي راح تتاذين.

نرفزني كلامه وماتحملت وگلت"ليش تريد ترضي غرورك ليش انتو الكل دورون تمشون كلمتگم عليه ليش ماليه رئي بكلشي.

شفته سكت ومجاوب باوعت عليه وتوقعتها نهايتي انتظر رزاله منه بس شفته يباع عليه ومبتسم