يله نبدء
بسم الله
-صلو على النبي-
(يادنيا يكفي عذاب فانا لم ارتكب اي ذنب)
طارق"اذا ابوچ مايكدرلچ ودا يستخطيچ اني ماستخطيچ والي اريده هو الي يصير وماريد اسمع كلمت انو اني مو مسؤول عنچ مره الخ لا والله اگول لخالي ماتعتبرني مسؤول عنها واتحمل مسؤوليتها بدون رابط لذلگ راح تجبريني اخليچ تصرين مرتي واكدر اقنع خالي باقل من شهر تصيرين مرتي وبيتي وحتى الجامعه انسيچ ياها وكل الوقت تصيرين مگابله شگلي فاحذري من الي دا دكولينه ولاتتحديني والله تخسرين.
اباوع عليه بصدمه ورجفت خوف سرت بداخلي من كلامه لحد هسه الي شفته من طارق خلاني اعرفه شخص مو هين اذا گال شيء راح ينفذه واني الوحيده الي راح اخسر...كلشيء ولا اصير مرته اصلآ اكيد احد داعي على الي تصير مرته شكاگ ومايتفاهم ويريد كلامه هو الي يمشيء.
سگتت ومارديت.
طارق"حلوه تسمعين الكلام باوعي على شگلچ صفر هل كد خايفه لا فكر واخليچ مرتي المفروض تفرحين وين تلكين واحد مثلي.
يابه على شنو شايف روحه معرف.
زينب"أحچي بس مو تزعل مني واعتبرها وجهة نضر.
طارق"غردي.
زينب"أنت شايف روحگ زياده عن اللزوم وتريد تفرض نفسگ على الي حولگ وهذا شيء غلط واصلآ اي بنيه تشوفگ هيچ شگاك وماعندگ ثقه راح تنهزم من عندگ اصلآ استخطي البنيه الي راح تصير مرتگ اكيد وگعت بتالي ذنوبها بيگ منو الي راح تتحملگ ماعرف.
باوعت عليه واني خايفه احس روحي دست بالحچي اكيد راح يعصب شفته يباوع عليه ومبتسم وحسيته غير الموضوع.
طارق"بخصوص الروحه لاربيل حتى تتعالجين بنهاية هذا الاسبوع راح تروحين تحضري.
زينب"بس اني ماوافقت ولا كلت اروح.
طارق"لاطولين الموضوع وافقي تذكري كلامي لاتعانديني يازينب والله اذا عاندتيني تتاذين.
زينب بنبره مقهوره"تمام مثل ماتريد موافقه وشوف بابا شنو الي يگوله بس تذكر اذا رحت لاربيل وماسو شيء الدكاتره راح تتذى نفسيتي وانت راح تتحمل نتائچ.
شفته فتحلي طريق وعبرت للمر سمعته كال.
طارق ببتسامه"لو يمي السالفه اگلچ ابقي بدون علاچ وبدون مكياچ وجهچ مثل القمر مابيه شيء اصلآ شگلچ احلى بدون مكياچ بس انتي معقدچ هذا المرض فراح انروح ولاتخافين مستعد اتحمل كل المسؤوليه حتى اذا ترديني اتزوجچ عادي.
زينب"أنت شگد سخيف وماتستحي على نفسگ...گلت هيچ ورحت ركض للغرفه فوگ وسديت الباب.
يابه هذا صدگ مايستحي احس رعشه بيدي من الخوف وكلبي يدگ بسرعه چيت اباوع نفسي بالمرايه شفت روحي صدگ اني بيضه وحلوه والمكياچ مخليني حنطيه باوعت على البهاق الي بوجهي هو مخرب وجهي بدلت ملابسي وكملت وكعدت افگر على چربايه...
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
