يله نبدء
بسم الله
-صلو على النبي-
(اريدگ سند لي فقد احببتگ )
مالحكت اجاوبها وطارق سحبني من زندي وگفني وياه...ايدي لحالها توجعني ومن مسكته حسيت روحي شاطت.
رادت تلحكه عمتي زاهده ونهال.
وصاح بصوته"عندي حچي وياها لحد يدخل زينب مسؤوليتي ومحد له دخل بيها.
احاول افگ ايدي من عنده بس مكدرت فوتني لغرفة بابا وسد الباب.
وصحت"طارق تخبلت خما تخبلت دا اگلك عوفني عوفني.
طارق"فرحانه مو متمكيجه وكاشخه ودا توزعين ابتسامات وعبالچ تتزوجين مازن مو بس الوصيه الي انفتحت ذكرتچ بكل شيء.
زينب"أنت اكيد تخبلت شعليگ بيه اكشخ اتمكيج اتزوج مالك دخل بيه واني كلت كلامي هسه ماتزوج اي شخص وخلي يجي يموتني.
طارق"صيري عاقله وحطي عقلج براسچ وتعالي للربعه خلي يعقدلنه الشيخ وبعدين نتفاهم.
زينب"عوفني ياطارق دا اكولك ماموافقه ازوجك خلي يجي ويموتني حتى ارتاح من هاي الحياة.
حسيت قبضت ايده صارت قويه على زندي باوعت عليه شفت عيونه دا ذب شرر اول مره اشوف طارق معصب هيچ.
طارق"شبيچ ماتفتهمين ودورين تموتين تخبلتي انتي فكري بابوج لو كان موجود كان انقهر من تصرفج وافقي بيه واوعدج بعدين اثبت برائتج وافقي واخليني اتحمل مسؤوليتچ واحميچ وبعد محد له حق يطخ شعره منچ.
كلت بقهر ودموعي نزلت واني اباوع عليه"لاتسوي روحك خايف عليه ودا دور برأتي انت مثلهم بالضبط ماريد اي شيء يربطني بيگ لامسؤوليه ولاغيرها موافقتي بتحملك مسؤوليتي قبل كانت اكبر غلطه بحياتي ومستحيل اكررها مامحتاجه حمايتك مامحتاجه شفقتگ مامحتاجه اي شيء منگ روح وعوفني بحالي اني وحده بلا شرف خليني اموت حتى ينغسل عاري.
حسيته هز جسمي بيدينه الاثنين وگال"والله اذا عدتي هاي سالفه ابتلي بيچ كدامي تجين ويايه وتوافقين لا اسوي شيء بعمرج ماشفتيه.
ابتسمت بسخريه وگلت ودموعي تنزل"ماكو شيء اخاف منه يطارق اذا تريد تضربني اني كدامك لاتقصر تعودت على ضرب اذا تريد تتهمني بسمعتي او شيء اخر كدامك اصلآ سمعتي صارت بالكاع واذا تريد تموتني موتني على الاقل ارتاح مخايفه من شيء ماموافقه اتزوجك وماريدك شفقتگ.
طارق بصراخ"أنتي جبانه واستسلمتي بسرعه ماعندچ سبب يخليچ تعيشين علموده اذا ماعندج سبب على الاقل ارحمي خالتي نهال الي دا دكضي الليل تبچي عليچ ارحمي دموعها وحزنها عليچ اذا انتي ماعندج احد اكو اهوايه يحبونچ ومايريدونچ تتاذين ليش تخلين هدى تشتفي بيچ ماتريدين دفعينهم ثمن ماتريدين تثبتين برأتچ.
أنت تقرأ
مكر رجل ودموع انثى(باللهجه العراقيه)
Roman d'amourرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
