يله نبدء
بسم الله
☆☆☆-صلو على النبي-☆☆☆
(يادنيا ارحمينا كافي ذلينا)
خلصت حچي وباوعت شفته مبين معصب حيل تندمت لان حسيت روحي تسرعت بالحچي بس بقيت اگول بداخلي اني گلت الحقيقه ماگلت شيء غلط هذا شبي معصب..
سمعته گالي وشگله عبالك جني لبسه واحس شياطين الدنيا صارت براسه واني خفت حيل"أمشي كدامي للرئاسه وخلي نحچي اهناكه مثل البشر امشي دام النفس عليچ طيبه واذا حچيتي اي كلمه اعتبري روحچ بره الجامعه.
كمت بسرعه واصلآ فزيت من عصبيته...مشيت وحسيته يمشيء ورايه والله لو مو هو دكتوري ورئيس قسمي كان عرفت شلون وگفته عد حده يربي اكيد تخبل.
رحنه للرئاسه فتت المكتبه وشفته سد الباب مالته وگف گبالي اني جمدت مگاني من الخوف واباوعله معصب حيل.
د.عمار"دا تلقين كل لوم عليه لان ماخليتچ تفوتين محاضره ليش ماكتيلي تعبانه ليش ماكتيلي مريضه وانتي تعرفين قوانيني واذا ماكدرتي دگليلي كدام القاعه كلها فتي من يمي بالحديقه وماجبتيلي طاري لو انتي ردتيها فرصه اطردچ من المحاضره حتى تفترين براحتچ.
بقيت ساكته ومجاوبته باي شيء انسان متخلف منين ماجيه اكيد مراح يصدگني وهو گالي اي كلمه احچي يفصلني تذكرت المثل الي يگول اذا كان الكلام من فضه فان سكوت من ذهب.
عاط عليه د.عمار"شبيچ ماتجاوبين لو انگال السانچ.
أستبرق"العفو دكتور أنت بنفسگ گلتلي اذا احچي اي گلمه راح انفصل فلذلك اني ساكته.
د.عمار"چاوبي هسه أسمعچ ليش ماگتيلي أنچ مريضه.
أستبرق"والله يادكتور ماشفتگ بس طلعت من القاعه طلعت بسرعه ورحت اتقيء يله ويله اصل الحمامات وجيت للقاعه ماتاخرت وصلت بالوقت بس أنت طردتني حاولت احچي بس طردتني.
د.عمار"ليش طلعتي بدون ماتنطيني خبر وليش مابقيتي تنتظريني.
أستبرق"العفو دكتور تريدني ابقى والدنيا تمطر والجو بارد وبوحدي انتضر وحتى گنت دايخه وباي لحظه اكع ماكدرت انتظر لذلگ اتصلت على مراد اخذني ونسيت ماجتي بالي ابلغك واذا على موبايلي والله كان صامت لان قبل محاضره احوله صامت حتى ماترزل.
د.عمار"احد تعرضلچ بس گنتي بوحدچ وين مضيتي وقتچ.
ردت احسسه بالذنب حتى بعد مايفكر ويطردني گلت"اي تعرضولي شابين واخذت منهم الرقم وراحو وبقيت عاد بالستعلامات.
اني گلت هيچ لو تورطت وتمنيت ينگص الساني ولا كايله هيچ.
دكتور عمار عاط عليه وگال"شلون تاخذين من عدهم رقم ماتستحين على نفسچ.
اني عشت الدور وگلت"لعد شسوي خايفه بوحدي وهم اثنين فاخذت رقم ماسويت شيء غلط.
شفته يحاول يتمالگ اعصابه وگال"انطيني الرقم الي انطوچ ياه.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
