يله نبدء
بسم الله
☆☆☆-صلو على النبي-☆☆☆
(بس اشوفگ اتوتر وگلبي يصير يدگ بسرعه وتتخربط كل احوالي)
نزل غاده بالستعلامات وكمل طريقه...لقسمنه وگف السياره وردت انزل وسمعت صوته.
د.عمار"أستبرق انتظري.
واني اگول يمه هذا شنو الي يريده من عندي ومبين من صوته معصب...
بقيت ماتحركت واريد اشوفه شنو يگول.
د.عمار"شوفي أستبرق اليوم اخرت روحي علمودچ وعندي اهوايه امور والتزمات ولازم اخلصها وفوگ كل هذا التاخير واني دا انتظرچ تجين ومالبسه الحلقه.
صدمني كلامه واني احس روحي ناسيه شيء باوعت شفت روحي ناسيه الحلقه يربي وين حطيتها اني اذكر البارحه حطيتها بالجراري لان اريد اشيل غير جنطه هسه شراح يخلصني.
فگلت"طلعت بسرعه ونسيتها.
د.عمار"مادگليلي شعندچ ترمينها يعني هل كد كارهتني وماتحملين تلبسين شيء اني مشتريه الچ.
استبرق"لا والله مو قصدي شيء اني ماحب البس شيء بيدي وكنت اذكرها يوميه والبسها بس عبالي اليوم ماداوم وبعدها انت كلت داومي فانشغلت ونسيتها مالحگت گلشيء اسوي.
حسيته دا يتمالگ اعصابه حتى ماينفجر بوجهي.
باوع عليه وگال"راح اعبرها هل مره بس اذا تكرر الموضوع لاتلوميني اذا اتصرف وياچ غير تصرف.
أستبرق"ان شاء الله ماعيدها.
د.عمار"شو مبين بعيونچ تعب شنو مشبعانه نوم لو صاير وياچ گليلي صاير شيء وياچ بالبيت.
ماردت اعلمه لان مستحيل اهلي يتغيرون هذوله اهلي واني اعرفهم وهو دكتور عمار الي يحب الالتزام واني هم اعرفه فگلت"دا ادرس واريد احسن درجاتي.
د.عمار"مايصير تعبين روحچ ادرسي على كد طاقتچ.
استبرق"مو انت تريد مني درجات عاليه وماتريدني افشلك.
د.عمار"اسحب كلامي اهم شيء صحتچ لاتعبين روحچ اهم شيء مشيء امورچ ...العقل هم امكانيات ومايصير اجبرچ على شيء ماتگدريله.
اسمع كلامه ومستغربه منه لو سألتوني اكثر شخص متقلب المزاج اكللكم دكتور عمار بلا منازع.
حرت شگله وبقيت ساكته.
د.عمار"گليلي أستبرق انتي مرتاحه بالبيت خما اكو مشاكل شيء.
ماريد اورطه بمشاكلي فگلت.
أستبرق"مرتاحه الحمدلله.
د.عمار"تمام براحتچ تكدرين تنزلين.
ماصدگت على الله گال هيچ ونزلت من سياره واحس گلبي يريد يجط من مكانه واني اگول ليش هل كد مبين تعب بعيوني ابتسمت الحمدلله عدى الموضوع على خير.
أنت تقرأ
مكر رجل ودموع انثى(باللهجه العراقيه)
Roman d'amourرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
