مكر رجل ودموع انثى(باللهجه العراقيه)

part-19

يله نبدء
بسم الله
-صلو على النبي-

(هل سياتي يوم نحب ونعثر على من يحبنا
هل سنعثر على السعاده بما يسمونه الحب ام سيكون عذابآ اخر لنا فوق عذابنا)

أستبرق"مبين حيل هسه يجيب اسئله من جنوب افرقيا ماكملت كلامها وسمعنه صوت دكتور عمار يگول السلام عليكم.. رديناله السلام..باوعت عليها شفتها توترت خطيه باوعت على ساعه بعدها ب12:15...شعجب اجه من وگت..

د.عمار"گل واحد يگعد مكانه طلاب ابدو حطو كتبكم يم صبوره الكل طلع اوراقه ومكتوب عليها الاسم الثلاثي دقايق وابدي افتر اوقعهن مهدي شوف بقية طلاب وين.

مهدي"تمام دكتور هسه ابلغهم.

☆☆☆☆☆☆☆☆☆
أستبرق
چيت ويه الخط الصبح والحمدلله دكتور عمار مافتح ويايه اي موضوع وهذا راحني اهوايه.

كلت للبنات الاسئله راح تجي من جنوب افرقيا فات دكتور واني توترت بس لاسمعني دقايق وكمت حطيت الملازم يم صبوره وگعدت بالاستول ....جهزت ورقة الامتحان وبدأ دكتور يوقعهن ماعرف اني متوتره من الامتحان لو من عنده

..دقايق وبدأ الامتحان جاب صح وخطأ وختيارات وفراغات واكو سؤال يشبه المسئله حله فكري ورياضي.

كعدت أستغفر ربي وگعدت احل أسئلته صعبه ومركزه جاوبت سؤالين ونص اما البقيه جاوبتله اجوبه عمره مامسامع بيهن اله ينصدم اذا شاف جوابي.

صارت ساعه ب1:15بدأ ينبه على الوقت.

د.عمار"طلاب ركزو على الوقت ب1:30اطلع من القاعه وماستلم اي اجابه.

اني سمعت هيچ وباوعت مكمله شعندي دا انتظر الفرج مايجيني بهيچ اسئله وهو سؤال ونص ماعرفته خلي اسلم على الاقل اضمن درجة نجاح....تقدمت وانطيته ورقه الاجابه كلتله دكتور خلصت سلمته الورقه وطلعت وانتبهت شايل الورقه دا يشوف اجوبتي اله ينصدم من العلم الي عندي يربي والله فشله....

مشيت بالحديقه شفت زينب كاعده طلعت قبلي بدقايق بس شافتني گالت.

زينب"ها بشري جاوبتي.

أستبرق"الحمدلله جاوبت حگ النجاح بس اله ينصدم سؤيتله اجوبه اول مره يسمع بيها.

زينب"هههههههه المهم عدى الامتحان والحمدلله.

أستبرق"جاوبتي انتي.

زينب"أنجح بس سويت منهج جديد تذكرتچ بالامتحان ردت اكله دكتور الاسئله هاي من جنوب افريقيا انت جايبها اول مره اسمع بيها.

ابتسمت على كلامها و گلت"يكدر يجيب اسئله سهله بس هو معرف ليش مصعبها على كلن خلينه ننسى الامتحان احچيلي عنچ تونستي باربيل.

زينب"اي الحمدلله تونست وغيرت جو واشتريت بعض الاغراض.

استبرق"الله يديم الونسه عليچ.