يله نبدء
بسم الله
-صلو على النبي-
اتمنى منكم دعم حسابي
dalashdalashdd
لكي يصلكم كل روايه جديده اقوم بنشرها.
(السعاده صعبه وتحتاج لصبر حتى نحصلها والي مكتوبلك بالحلال اتحصله لو كل الضروف صارت بوجهك)
راحت زينب واستبرق وراح وياهم دكتور عمار واحنه
دموعنه تنزل..
شفت ديما حيل اتاثرت خطيه اكثر مني.
ماريا"ديومه شويه شدي حيلچ شبيچ.
ديما"كلامها ردت فعلها ذكرني بنفسي قبل بس الي مافهمته ليش دا تلوم نفسها.
ماريا"ماعرف هسه خلينه ندعيلها يارب يتشافى ويرجعلها سالم.
ديما"ان شاء الله.
گالت هيچ واني رفعت راسي وشفت شخص بعده دا يراقب وهل مره كاعد على مسطبة كبالنه ويخابر بالتلفون خايفه لايصير شيء وماكو احد اليوم ماعرف طلاب قليله مداومه لان تقريبآ كمنه نخلص مواد الكورس الاول وبس امتحانات شهريه واكو خلصو فاغلبها دا تطلع للبيت والجو حيل صاير بارد بهل فتره خفت وگلت لديومه.
ماريا"ديومه خلي نروح ننتظر يم الخطوط ماتلاحظين الحديقه بدأت تفرغ.
ديما"وين يم الخطوط يجوز الكراج يطلع فارغ ليش تتورطين على الاقل اهنا كم شخص دا يمشون احسن.
ماريا"گليلي ديومه تردين تبقين اهنا حتى تشوفين جسار.
ديما"لو اريد اشوفه ادك عليه ونلتقي خطيب وخطيبته بس ماريد دا انصحچ احسچ متوتره ومتريدين تبقين اهنا لاتخافين من شيء واني موجوده.
ماريا"ربي يحفظچ ويخليچ ليه اعرفچ ماتقصرين.
ديما"ذاگ منو دا احسه مو راحه ودا يراقبچ مرمر شو جربي روحي ذبي هذا الباكيت اهناكه بالحاويه اريد اتاكد.
ماريا"اني هم حسيت بيه صار شكم يوم اشوفه هسه اروح راقبي زين.
كمت من مكاني ورحت للحاويه حطيت الباكيت ورجعت لديما كعدت.
ديما"هذا دا يراقبچ حتى كام من مكانه عباله راح تروحين بوحدچ.
ماريا بتوتر"عزه هذا منو شيريد مني.
ديما"لاتخافين اكيد واحد تعبان لو يجي اله أوگفه عد حده.
ماريا"كفو والله ماتقصرين.
ديما"دللي.
احس روحي مو مطمئنه خايفه عندي شعور سيء دا يلاحكني اكيد راح يصير شيء.
گعدت استغفر ربي.
رفعت راسي شفت شابين مو راحه اشگالهم تقدمو بتجاهنه...باوعت على ديما وگلت"باعي ديومه ذوله مو راحه.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
