يله نبدء
بسم الله
-صلو على النبي-
(ضننتك تختلف عن ابي لكنك للاسف مثل ابي)
شفته راح باوعت بتجاه رئاسة القسم وشفت عمار واگف ومبين على شكله معصب عزه هذا بس لاشافني واگفه ويه خليل وعصب.
تقدم بتجاهي واني احس رجليني خشبت من الخوف.
وصل يمي وگال بكل عصبيه"امشيء كدامي لا ابتلي بيچ هسه.
اني من الخوف بس دا اباوع عليه حتى لوجني لبسه مو هيچ.
عاط عليه"امشي كدامي.
مشيت كدامه وهو يمشيء ورايه وتونه وصلنه السياره سحبني من زندي بقوه وخلاني اصد عليه.
وصاح"أنتي باي لغه تفهمين أگولچ لاتحچين ويه خليل ودا تحچين وفوكاها بكل قوة عين واكفه وياه وبنص الحديقه وتوزعون ابستامات.
حسيت ايدي راح تنكسر من قوات ايده فگلتله"هد ايدي مامسويه شيء غلط كاعده واجه سلم عليه وراح.
عاط بوجهي اله فزيت"وبكل قوة عين دا تجذبين تكتبيلي رساله اني ويه صديقاتي واطلع والكاچ ويه خليل واگفه گليلي متفقه تلتقين بيه مو.
اني تخبلت لاهنا وبس وگلت"أنت اكيد تخبلت.
رد عليه ونفس حدة صوته"لا ماتخبلت گليلي شنو گالچ گالچ اني احبچ افصخي خطوبتچ وارجعيلي.
اني انقهرت حيل دا يتهمني ومايصدگني دموعي صارت بطرف عيني وگلت"لا لا شبيگ تخبلت والله مو هيچ.
د.عمار"أسكتي لا تحلفين تعرفين هسه عرفت ليش مدا توافقين تتزوجيني ثاري تريدين ترفضيني حتى ترجعيله مو ضحك عليچ بكلمتين وگالچ افصخي خطوبتچ وارجعلچ اصحي ترى ابوچ مستحيل يزوجچ الخوالچ.
قهرني كلامه نفس ظلم بابا يشوفون السالفه من جانبهم فقط اني منو حتى يصدگني اني استبرق الي ماعدها احد لا اب يحبها ولا اي شخص بس عدها اخ واحد وماريد ادوخه بمشاكلي.
گلت لاخر مره ودموعي نزلت"أنت فاهم السالفه غلط خلي افهمك.
د.عمار"ليش ماتعترفين وتخلصيني وبطلي دموع التماسيح ماتخدعيني.
تمنيت الموت ولا سامعه هاي الكلمه من عنده انقهرت حيل ونزلت دموعي حسيت گلبي انضرب بسچينه شلون نسيت هو كرابت بابا اتخيل ابويه كدامي هو وقسوته ومايتفاهم على اي شيء يجوز على زين ماوافقت على زواج بيه وگشفته على حقيقته تعذبت سنين طويله من ابويه وانعدام ثقته تالي يطلع عمار نفسه لاوفوگاها يسمي دموعي دموع تماسيح حيل نقهرت من عندي عمار مايصدكني ولا عمره راح يثق بيه حاله حال ابويه واتهاماته البطاله......فصخت الحلقه الي لابستها
وگلتله بكل قهر الدنيا"تعرف شنو راح أگولك ياها انت نسخه عن ابويه وماتختلف عنه بشيء احمدالله واشكره ماتورطت وتزوجتك انت انسان متخلف وهسه راح اگولها لك اني ماموافقه عليك ونصيحه افصخ الخطوبه وحتى هاي الحلقه اخذها ماريدها.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
