يله نبدء
بسم الله
-صلو على النبي-
لو اني جمدت يمه هذا منين عرف اسمي وتوه يسأل عليه قررت احچي.
أستبرق"اي دكتور اني استبرق.
دكتور عمار"گنت دا اراجع الاجازات مالت المرحله الثانيه...شفت اسمچ ماخذه ثلاث اجازات خلال ثلاث اسابيع وماخذتهن كل يوم الاربعاء والخميس...يعني انتي مدا داومين بس ثلاث ايام بالاسبوع ومدا تحضرين محاضرات.....تكدرين توضحيلنه شنو السبب لان گنت قبل دقايق احچي ويه دكتور ثائر بهل خصوص وقررنه ندز عليچ.
خفت وحرت شنو اجاوبه يربي هذا منين طلعلي فگلت اول شيء خطر بعقلي"عندي ضروف دكتور.
دكتور عمار"بعد نص ساعه للمحاضره أحچي ضروفچ ومستعدين نسمعها وان شاء الله نكدر انساعدچ بلي نكدر عليه.
سگتت ومجاوبت .
دكتور عمار"شنو ماتكدرين تجاوبين شنو ضروفچ شو اغلب الطلاب تتحجج بالضروف ولو نجي للواقع ماكو اي شيء اذا تردينه نتفهمچ احچي عن ضروفچ وعن السبب الي خلاج تفوتين مامعدل ثلاث محاضرات من خمس مواد .
يربي كل ناس دا تاخذ اجازه ومحد يتبع وراها وبس قررت اخذ اجازه طلعلي هل دكتور يربي مادگلي اني شسويت بحياتي حتى يطلعلي
باوعت على دكتور ثائر وشفته عينه على الاوراق مو مهتم اصلآ بلي دا يصير....
فقررت اگله لعل وعسى يفهم"العفو دكتور اسباب اخذي للاجازه أول اسبوع محاضرات تعريفيه فماتاثر حيل اما ثاني اسبوع صار عندي ضرف كرايبنه توفى واطريت اغيب لان بيتهم بفرعنه.....اما الاسبوع الثالث"بنات الخط الي ويايه قررن مايداومن فاخذت اجازه...لان صعبه اجي ويه ابو الخط بوحدي .
دكتور عمار"هسه توقعين تعهد خطي بان ماتاخذين اجازه ولاتغبين يوم الاربعاء والخميس لان اذا تكررت السالفه صدكي راح انزل بيچ انذر فصل فاهمه. .
يربي هذا مايحس فوكها گلتله اسباب مقنعه...يربي بس اريد اطلع احس صار عندي نقص بالاوكسجين .
نسيت مجاوبته... عله صوته وگال فاهمه ..
أستبرق"اي دكتور فاهمه فاهمه. .
دكتور عمار"تعالي اكتبي اسمج وقعي على تعهد ..
حطلي ورقه كدامه على المكتب وياها قلم.....تقدمت وفتحت القلم واحس ايدي ترجف.....بالگوه كتبت اسمي ووقعت ولاگدرت اباوع علي...خلصت وابتعدت عن المكتب.
أنت تقرأ
مكر رجل ودموع انثى(باللهجه العراقيه)
عاطفيةرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
