يله نبدء
بسم الله
-صلو على النبي-
(عندما تلتقي بمن تحب تشعر بالامان)
قاطع افكاري صوته وهو يباوع عليه ويگلي"أعرف بروحي حلو بس مو تعوفين الشرح وتصفنين بوجهي لخاطر الله اجلي صفنتچ لغير وقت.
اني استحيت من كلامه واتمنى الكاع تنشك وتبلعني وباوعت جوه.
د.عمار"أفتهمتي الي شرحته.
أستبرق"لا.
د.عمار"ياهو الي مافهمته.
گال هيچ واحس روحي تورطت.
أستبرق"گلها.
د.عمار"مادگليلي شنو الي دا تفكرين بيه ومنسيج حتى شرح گليلي شنو يدور بعقلج بلكت تركزين شويه.
أستبرق"ها هيچ لحالي ماكو شيء.
د.عمار"واني ما اشرح انتظرج لما دگليلي شنو شاغل هل عقل.
أستبرق"عموري عوف الموضوع ماكو شيء.
د.عمار"ياروح عموري انتي بس ماعوفه.
أستبرق بارتباك"دا افكر أگول لوما وجودك بحياتي كان اني سويت كان الله ويعلم شلون حالي هسه.
د.عمار"يعني ماتضايقين من وجودي بحياتچ بهل وقت.
أستبرق"لا تعودت.
شفته أبتسم وگالي"هسه ركزي ويايه ماشيء ولاتفكرين باي شيء نحچي بعد مانخلص امتحانچ تمام.
أستبرق"تمام.
كعد يشرحلي وحاولت اركز وياه كل صفحتين يشرحها يسالني بيها وينطيني مسأل.
خلصنه موضوع واجه مراد جايب چاي نسكافيه وگال"تفيدكم ويه دراسه.
خلاهن ويه دولگت مي وكلاص وكال اخذو راحتكم بس تخلصون گلي اوصلك للباب.
كعدنه نشرب هيچ خمس دقايق ورجع يشرح صارت ساعه ب11:15خلص الامتحان.
د.عمار"أگو اشياء مافهمتيها لو هسه كله تمام.
أستبرق"عاشت ايدگ كله تمام.
د.عمار"بالتوفيق خلينه نكعد على القنفه تكسرنه من الكعده على كرسي نحچي شويه وبعدها أروح.
كام من مكانه وكعد على القنفه وكالي تعالي اكعدي يمي.
رحت وگعدت بسده وحط ايده وره جتفي.
د.عمار"ذكريني بشنو ردنه نحچي.
حركته اربكني وسواله حيرني ماعرف بشنو راد يحچي.
أستبرق"ماتذكر.
د.عمار"لعد تذكرت ردتي دگوليلي عموري حبيبي وگتلچ عوفيها لبعد مانخلص يلا گوليها.
وجهي صار يذب الوان واني اباوع عليه وشفته مبتسم وگلت بارتباك"ليش تحب تربكني.
أنت تقرأ
مكر رجل ودموع انثى(باللهجه العراقيه)
Storie d'amoreرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
