يله نبدء
بسم الله
-صلو على النبي-
(احبگ واتمنى البقاء بقربك لكن أخاف ان تكون مثل أبي فاتدمر)
ماعرفت شنو الي يريد يصله واني احس طاقتي خلصت ودموعي صارت بطرف عيني نزلت راسي وگلت"وشنو الفايده أتمسگ بشيء واعرف اني خسرته وبعد مايريدني حتى فرصه مانطاني على الاقل الواحد يعيش واقعه ومايركض وره سراب.
د.عمار"ومنو كال انتي خسرتيني.
مافهم الي يريد يصله ودا احسه دا يتلاعب بكلامه.
وگلت بحزن"انت مانطيتني فرصه اخرى وهذا الي فهمته.
د.عمار"تعلمي ياستبرق الحياة دا تمتحنه بهواية امور لاتتخلين عن شيء تحسين بروحچ تريدينه جربي كل الوسائل واذا فشلتي بذاك الوقت انسحبي وگولي خسريته.
گلت ودمعتي نزلت"وشايفني مثلآ صاحبت تجارب الحياة دا تعلمني واني دا امشيء وياها وشمعرفني شلون اخليگ تنطيني فرصه حتى عمروي جربتها.
د.عمار"جربي انطيچ خمس دقايق النوب جربي تتمسكين بشيء تريدينه.
كعدت افكر بكلامه وماريد اخسره واني من شنو خايفه تذكرت كلامهم حاولي تتغلبين على خجلچ هو خطيبي خما احد غريب...باوعت عليه شفته دا يباوع كدام.
گلت"افتحلي الباب اريد اكعد يمك كدام.
فتح القفل ونزلت من سياره....وكعدت يمه لي كدام.
وهم ماباوعلي شفت ملامحه مامعصب مبين هادئ لعد ليش مانطاني فرصه بس هو گالي جربي وقبل كالي اكسبيني بكلامج بتصرفاتج.
حطيت ايدي على ايده وگلت"حياتي اعرف بروحي مقصره وياگ والله واني هم ثوله وماعرف اتصرف بس انت بالفتره الاخيره حيل اهتميت بيه بحيث تعودت اسمع صوتك كل يوم واي تصرف يصدر منك اكعد افكر بيه انت تعرف هوايه امور عني بس اني ماعرف حتى عمرك اكعد على تلفون واكعد افكر بيك واگول ليش ماتصل بيه صح دا احن الك بس تنقصني الجرائه وماكدر اتصل عليگ بفتره قصيره صرت محور حياتي.
گلت هيچ وشفته ساكت حسيت بخجل من الي دا اسويه واگوله عفت ايده وردت انزل بس ايده كمشت ذراعي...باوعت عليه وعيني مدمعه.
وگال"حتى 5دقايق ماخلصتيهن وتريد تروحين غير تكملين كلامج كلتي حياتي غير دگولين حبيبي دنيتي كلها وبدال مادگولين احن الك گولي اشتاگيتلك وافكر بيگ وماتغيب لحظه عن بالي وماتخيل حياتي بدونك.
اسمع كلامه واحس روحي راح اموت من الخجل..رفع راسي وخلاني اباوع بعيونه ودموع ماليه عيني حسيت باصعبه يمسح دموعي.
د.عمار بنبره حانيه"لاتستحين من شيء واني يمچ تعرفين هاي الكلمات تفرحني حيل تحسسني بهميتي بحياتچ ولو ماسمعت الكلمه الي اريد اسمعها منچ بس ماريد استعجل على رزقي العافيه درجات وترى مرات الواحد مايكدر يعبر عن الي بداخله اذا ماتكدرين بالكلمات وتحسينها صعبه بهاي الفتره خلي تصرفاتچ تعكسلي هذا الشيء لان گلمة احبك صارت سهله عد هوايه اشخاص يكولون احبك وهمه مايعرفون شيء عن الحب فحاولي تعكسينها بفعالچ.
أنت تقرأ
مكر رجل ودموع انثى(باللهجه العراقيه)
عاطفيةرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
