يله نبدء
بسم الله
-صلو على النبي-
(اتمنى الموت يجي وياخذني الچ يايمه اتمنى الموت يجي وياخذني الك يبه)
بعد ايده عن وجهي وانطاني گلنس گعدت امسح دموعي بالكلنس وطلعت مرايه من الجنطه حتى اعدل شكلي واحس بروحي دا تتعذب ماعرف ليش يريد يعرف السبب بس اني واثقه حتى لو عرفه هسه مايسوي شيء اني اثق بروحي گلبي مات ويه حسام واني احب حسام ومستحيل احب غيره.
جسار"يلا نروح الخط ينتظرچ لاتخافين مامبينه باچيه اذا ماتريدين تروحين ويه الخط وتبقين ويايه گليلي اني ارجعچ عادي.
ديما"لا شعندي باقيه راح اروح ميحتاج توصلني اندل الطريق.
مشيت ومشه ويايه.
جسار"لا لازم اوصلچ واني خطيبچ مو احد غريب وصحيح نسيت لا اگلچ يوم الخميس بعد الدوام نطلع سوه ويه رائد ونمر الاهل ونروح نجهز للخطوبه حتى نسويها يوم السبت ويرجعون اهلي.
تشوش عقلي وگلت"ليش ميحتاج نشتري شيء الحلقات انتو جيبوهن وياگم وهاي هيه فضت راحت ميحتاج لا حفله ولا شيء.
جسار"روحي هسه للخط وعوفي تلفونچ مفتوح راح اتصل عليچ بليل ونتفاهم بس والله اذا مجاوبتي على اتصالي ماتلومين اله نفسچ.
ماعرف ليش بس شفته وشافني بس يهدد طير عيشتي من صدگ وگلت"أگول أنت ماتعرف تحچي حچي عادي شو بكل سالفه تهدد انطيك نصيحه مستقبليه خلي عندك اسلوب شويه ترى اي بنيه تشوفگ هيچ تهچ من عندك وماتحمل تبقى وياك.
جسار"لا ماعرف اذا تريدين علميني شلون احچي وياچ واني شعليه بالبنات عندي خطيبه ودا تمشيء ويايه هسه وتعرف اسلوبي ومتحملتني مايحتاج اغير اسلوبي بس اذا مضوجچ تعاملي وياچ وبهاي طريقه وتريديني اتغير علمودچ گولي.
حرت شنو اجاوبه وگلت"انسى براحتك حياتك وحر بيها.
مشيت وصلت الخط وگلتله مع سلامه كالي الله وياچ ركبت الخط واشوف البنات يباوعن عليه وگاللي"نكول اليوم مختفيه ندك عليچ وماكو منو هذا.
ديما"خطيبي.
گعدن يباركلي البنات واني اجاوبهن وهاي الي دگلي مبين حباب وهاي لدكلي هنياله تاخذه حلو ويخبل ومن هاي سؤالف اني اسمعهن وساكته حقهن مايعرفنه عنيد وماخذ الحياة كلها تهديد والورطه مجبوره اتحمله واسمع كلامه لان جسار ابد ميشاقي بس يگول شيء يسويه تذكرت الي صار وشلون حچيتله وحسيت بندم وشويه فشله استحيت شلون احچيله عن حياتي وعن الي بداخلي بس بعدها تذكرت انو هو وعدني مايحچي لاي احد لعد ميحتاچ افكر بالموضوع وحاولت انسى الي صار.
☆☆☆☆☆☆☆☆
بيت عز الدين
أستبرق
كاعده بالغرفه ساعه ب4العصر
اجاني مراد للغرفه.
أنت تقرأ
مكر رجل ودموع انثى(باللهجه العراقيه)
عاطفيةرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
