يله نبدء
بسم الله
-صلو على النبي-
(ان كنت تحبني لماذا تتجاهلني؟)
اسمع كلامه واني مصدومه امي انطت موافقه بدون متسالني حتى بدون مافايتين البيت احس بقهر مو طبيعي واني اشعر بروحي صدك صرت رخصيه نزلت دمعه مني.
وگلت بقهر"ليش حرام عليگ ليش دا تسوي هيچ ليش اني ماموافقه والله حرام تجبروني على شيء ماريده.
جسار"ليش حرام اني مامسوي شيء خطأ طلبتچ على سنة الله ورسوله واهلچ وافقو شيلي الفكره من راسچ اليوم العصر ان شاء الله تكونين ليه وماتكونين لاي احد اخر امچ ناويه اتزوجچ اذا رفضتيني راح تجبرچ تتزوجين احد اخر على الاقل اني احسن من غيري وان شاء الله افتح گلبچ وانسيچ حتى الماضي.
اسمع كلامه واحس بقهر مو طبيعي وهذا شمعرفه بامي اكيد خالته حاجيتله اخ يايمه هل كد اني عله على گلبچ تحچين بيه حتى بالمدراس.
گلت ودموعي نزلت"ماموافقه ماموافقه شبيگ ماتفهم انت شنو ماتحس اذا جبرتني على شيء ماريده راح اگرهك طول عمري لاتخليني اكرهك زايد تروح ودگول لاهلك غيرت قراري وماريد اخطب وروح شوفلك بنيه غيري.
جسار"طلبچ غالي ديومه بس بعد ماكدر اتراجع انتهى الموضوع وحطيها بعقلچ تفيدچ للمستقبل لاتعصبيني ولاتحديني لاني اسوي الي اگوله وتذكري اريدچ تتحضرين حالچ حال اي بنيه مخطوبه وتستقبلين اهلي ماشيء مو بنيه دا تبچي عبالك اهلها جابرينها تتزوج شايب.
ردت احرگ اعصابه وگلت"اي انت شايب.
شفته ضحگ وگال"ديومتي باوعي عليه زين ويني وين الشايب ماتكدرين ضوجيني بهاي راح تتهمين بقصر النضر.
ماعرفت ليش گلتله أنت شايب بس باوعت على شكله شفته بعده شاب حلو ابيضاني لحيته خليچي شعره رافعه فوگ عيونه الواحد يحير بلونهن لونهن أزرق لو اخضر حرت بلونهن وماكدر احط عيني بعينه هوايه استحي... هو طويل اطول مني اذا اني طولي ب167سم هو طوله مبين ب187سم احس روحي قزمه وياه..
گلت بقهر"جسار الله يخليگ عوف السالفه تريدني اعتذر منگ عادي أعتذر بس عوفني بحالي.
جسار"انتهى الموضوع لاتناقشين بيه مستحيل اخليچ تصيرين لغيري ولاتنسين تتانقين وتستقبلين اهلي وماريد يبين عليچ مجبوره عليه والدمعه بطرف عينچ.
ديما"لا اتحضر ولا ليه علاقه بلكت اهلك يشوفوني ويتراجعون عن الخطوبه اذا انت ماتوافق تلغيها بلكت هم يلغونها.
جسار"والله اذا ماسمعتي كلامي اخلي عرسنه الاسبوع الجاي واتحدى اكبر قوه بالعالم تمنعني.
كلامه خوفني حيل حسيت نبرة التهديد بصوت جسار بس يكول شيء يسويه اعرف بروحي مستحيل اعارضه.
أنت تقرأ
مكر رجل ودموع انثى(باللهجه العراقيه)
Romansaرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
