சித்தாரா

தாரா-28

சித்தாரா-28

நளினாவுடன் இருந்தவன் மாறுவேடத்தில் இருந்தாலும் அவன் யாரென்று அடையாளம் கண்டு கொண்ட ஆதி உள்ளடக்கிய கோபத்துடன் கமிஷ்னரை சந்திக்க சென்றான்.

விஜியையும் வினியையும் கூடவே அழைத்து சென்றவனுக்கு, அங்கே கிடைத்த தகவல் மனதுக்கு ஏற்புடையதாக இல்லை.

கோர்ட்டுக்கு கொண்டு செல்லும் வழியில் சபரீஷ் தப்பித்து சென்ற விசயத்தை கேள்விப்பட்ட ஆதி கமிஷ்னரிடம், ஏன் இதை தங்களிடம் தெரிவிக்கவில்லை என்று கட்டுப்படுத்திய கோபத்துடன் கேட்க!!

சாரி மிஸ்டர் சித்தார்த், இப்படி ஆகும்னு நாங்களே எதிர்பார்க்காத ஒரு விசயம், சம்படி ஹெல்ப் டூ சபரீஷ் என்றவரின் குரலில் ஒரு வித குற்றவுணர்வு வெளிப்பட்டது.

கமிஷ்னரின் பதிலை கேட்டவன், ஸ்டேஷனில் இருந்து அடக்கப்பட்ட கோபத்துடன் வெளியேறினான்.

அண்ணா இப்போ என்ன பன்றது? எப்படி தாராவை கண்டுபிடிக்கிறது என்று கேட்ட தங்கையை பார்த்தவன், வினியிடம் தாரா எப்போது எப்படி சென்னையில் இருந்து கிளம்பினாள் என்ற தகவலை முழுவதுமாக கேட்டு அறிந்து கொண்டவன், மனதுக்குள் எடுத்த தீர்மானத்துடன், அருண் என்க,

அதுவரைக்கும் ஆதியின் செய்கைகளை கவனித்துக் கொண்டிருந்தவன், ம்ம் சொல்லு மச்சி,

நீ இவங்க இரண்டு பேரையும் வீட்டில் விட்டுடு யார் என்ன கேட்டாலும் எந்த பதிலையும் சொல்லாதே என்று மட்டும் சொல்லிவிட்டு தன் மொபைலுடன் நகர்ந்தான்.

ஆதி சொன்னது போலவே விஜியையும் வினியையும், வீட்டில் கொண்டு வந்து விட்ட அருணை சுற்றி நின்று மொய்த்தனர் குடும்பத்தினர். 

அருண் உண்மையை சொல்லுடா, அந்த வீடியோவில் இருந்த பெண் தான் நம்ம அம்முவா? அப்படி நம்ம அம்முவா இருந்தா ஏன்டா அவள் இறந்துட்டதா சொல்லி எங்களை நம்ப வச்சீங்க என்ன காரணம், என அடுக்கடுக்காய் கேள்வி கேட்க… பதில் சொல்ல முடியாமல் விழிபிதுங்கி நின்றான்.