دازت ليلتهم هاادئة.. كلشي فأمان الله ورعايته الا كارلا المختفية.. ورعب مريم من القادم.. ولكن موقعش شي حذث او خطة فذاك الليل كلهم استسلمو للنوم ولأحلامو.. مخلين الغد ليه فإيد الله. ولكن كيف عارفين راه تاهدوووء مكيتم او يكمل بسلام وحتا الضحكة كتهجر لاطولت
صبح صباح جديد.. هاد الصباح معروف من أحذاث ليلتو. وبااينة كيف غيكمل.. مادام غيتلاقا ليصونص بالعافية باش يتفاهمو راه بين كيغيكون.. فاقت الصباح خاسرة محيلتها لصحبتها محيلتها لهاد يحيى ليخرج ليها من الجنب بحال العكس.. لبسات حويجها رسمي شوي.. شوميز فلبيض طالعة مسدودة بالعقادي لحد بدية العنق.. مخشية فميني شورط توب فالأسود عملي.. لبسات معاهم سبيبيط وطلقات شعرها بوكلي خفيف من لتحت مع ميكاب خفيف... بانت بسيطة وفنفس الوقت قوية.. بحالا غادا تخوض اجتماع عملي او نقدر نقول اهم اجتماع اتخوض فحياتها.. خدات طاكسي واتاجههت للعنوان ليعطاتو كان فواحد المقهى راقي جنب البحر
دخلات بخطواتها التابثة هازا خنافرها للسما.. وطلعات للطابق الفوقاني.. بانليها جالس فآخر طبلة وكيرشف من قهوتو وتخنزيرتو معليها كيف العادة..جالس بكل قامتو وأناقتو الرسمية كيف العادة.. كان الطابق خاوي وريحتها ليجالت المكان كانت كافية تخليه يعلي راسو يشوفها وهي جاية.. هي الأخرى مكترمشش.. كتشوف فعينيه بكل ثباث وكتوعد ليه فنفسها باتتقام رهيب.. مستحيل تخلي بكرتها ودم طفلها وعذابها وكل قطرة دمع ادوز هباءا منتورا.. وهو كذلك كيشوف فقوتها كيقابلها بنضرتو الحادة... بحالا كيقوليها راه أي حاحة فبالك واي خطة فبالك غتحبس قدام رهبتو
جرات كرسي وتقابلت معاه.. هو طلع إيدو قدامها كيشوف فمگانتو
_يحييى:5 دقايق
_مريم:مجيتش نهضر على الوقت
_يحيى (هز حجبانو) :عارف جيتي باش نسترك وندير فك خير (ابتاسم ابتسامتو الجانبية)
_مريم(هزات حواجبها بزوج) : داك الخير كون درتيه غافراسك
_يحيى:دابا بلا منبقاو نطولو الهضرة اه ولااااا نتصرف
_مريم (عضات على فمها بغيض وقربات ليه وجهها مخنزرة) :عنداك يسحب لك راسك ربحتي الا ديتيني لخربتك هادشي كاامل كنديرو على قبل عائلتي فقط وهادشيي كااامل لكدير مغنساهش لك اسي الشرايبي
_يحيى (هز كاسو كيرشف ببرودة) :هي حتا خدمتك هنا على قبل عائلتك
_مريم(بغيض) :غنتفاهمو ا...
_يحيى (قاطعها وقف) :وجدي راسك غدا لاكط وخبري عائلتك انك اتفسخي خطبتك بداك الميخي فقط.. انا انتكلف بالبقية
مشا وخلاها كتهز فنفسها وكتحط.. غامكيزيد يشعل عافيتها ويزيد حقدها فالآتي.. رجعات هزات صاكها ومشات متاجهة للمخفر تشوف الجديد
باقا مرمية فغرفتها كتقاوم داك الإبر وداك الدوار.. كان كل نصف ساعة كيدخل يدگ ليها ابرة.. ادمانها بدا كيرجع شوي بشوي.. وحالتها بدات كتسوء.. مع الصباح دخل عندها هاز فإيدو طبسيل باش تفطر.. ماباغينش يقتلوها دابا
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
