عذراء ساقطة

part 6

وصلات السيارة قدام مجمع السكن الدراسي وتوقفات.. هزات نفسها وهبطات وهي ذابلة غادا ودموع فعينيها هواادة على خدودها.. بانو ليها واقفين وشادين هواتفهم بين إيديهم والتوتر باااين عليهم.. غير شافوها جايا مشاو كيتجاراو عندها.. يعرفو اش واقع

_كارلا (شادها من دراعها وهي خيفة عليها معارفا اش واقع كتشوف غير دموعها ) :مررييم فيين كنتي هااه فين كنتي علاش مطلعتيش معانا لطيارة بقينا كنتسناوك بززاف تاقلعت الطيارة

كتحرك فيها وهي غير كتشهق وترعد:واامريم ونتي نطققي اش وقع لك ودويي راه كتخلغينا

_شاهر(شكوكو بدات كتأكد) :مالك اش وااقع.. علاش كتبكي شكون أداك وفين كنتي.. واش دار لك شي واحد شي حاجة واشمن طيارة جيتي

_مريم (كتشهق بالبكا وعينيها معميين وكلاماتها مقطعين ) : هو هو عوتاني بان فطريقي.. هو عوتاني جا جا.. هو هو راه راه رجع رجع
_كارلا زادت خافت قالت مع بالها واش اغتاصبوها:شكون هو شككوون هادا لدار فك هاد الحالة شكون قاسك امريم دويي

شاهر سككت وهو كيشوف فيها تا لسانو فشل وهو كيطلب الله فنفسو شكو ميكونش صحيح

_مريم(ببكاء) : هو هو خطفني اه هو هو هاداك هاداك نفس لوشام نفسوووو(غوتت) هو داك الحيوان ديال ديك ليلة 😭 هو هو تعدى

قبل متكمل كلامها طاحت فاقدة الوعي ولكن جون تصرف فالدقيقة 90 وشدها من خصرها قبل مطيح الأرض هازها بين إيديه غادي بيها مدخلها للمجمع.. وهو كيلعن فيحيى ليبان فطريقو مرة خرى وكيتفكر كيفاش حتا بعدها علييه غيير بزز.. وفنفس الوقت حمد الله انه مخلاش كارلا تاصل بعصام اما كون راه ناضت القيامة وتاهو غيتكشف على حقيقتو

جون هازها مدخلها بسرعة من الباب الخلفي وكارلا وراه كتزرب فميشتها والغدايد كياكلوها على صحبتها: بشوي عليها اشاهر بشوي عليها

دخلوها للغرفة الخاصة بمريم وكارلا وحطها فوق سريرها.. مغيبة وشفارها ساردين... العياء بااين فيها..

_كارلا(كتشوف فشاهر ونفسها كطلع وتهبط) :شكوون هاد الزامل شكوون يااربي اش دخلو فحياتنا كيفاش تعدى هوووف ..باينة من هضرتعا نفس الشخص ديال داك لبلة لي تقرقباتوفيها وظار فيها مابغة وغبر باااينة(شدات من راسها وسط ايديها كتحاول تبرد..عاودت هزاتو مخنزرة) شتيي قلت لك عيط لعصام.. علاااش معيطتيش ليه قبل متقلع الطيارة هاه شتي داابا
_شاهر:دابا نساي هاد المرض شمن عصام نتي عاود لا ساق لخبار راه انخصروها هي بعدة خاصها تفيق باش نعرفو اش وقع وانا لالقيت شي حد قاسها وحياتي لابقا عيش
_كارلا :اشنو دابا نعيطو لطبيب ولا اشنو نخليوها تفيق على راحتها حسن
_شاهر (تنهد) خليها شوي ترتاح وغتفيق بحدها
_كارلا (هزهزات ليه راسها بآه ورجعت تفحص صحبتها وتبعد شعرها لمخربق من على وجهها.. نطقات بهمس وحصرة) شكون هادا ليدار فك هاد الحالة الله ياخد فيه الحق