داز الوقت
كان متكي فسريرو عريان من الفوق وكيطابي فبيسيه كيشوف آخر المستجدات والإيمايلات لي واصلين ليه من أحد المراقبين.. كيقاطع خدمتو تيليفونو ليبدا كيتحرك جنبو وهو كيصوني
_إياد: شي جديد
_المراقب: اه شاكين فواحد غيكون منهم
_إياد :العنوان
_ المراقب: المطعم الجديد ******
_إياد:صافي خليك تما علمني بالجديد انا جاي
وقف كيلبس عليه بالخف.. خدمتو أولى ومموالفش كيخسر فشي عملية...خارج بزربة حادر راسو حتا كان غيجي فيها كون مهز راسو فاش شم ريحتها
_سايرا (ليكانت واقفة قدام باب بيتو شي ربع ساعة وهي كتشاور مع راسها تدخل ولا بلاش.. شافت فيه ابتاسمت بخفة وحمارت) :فين غادي
_إياد: اش كديري هنا
_سايرا(سرطات ريقها كتحاول تجمع الكلمات.. هزات ايديها لعامرين بطبسيل صغير) :صيبت لكاب كيك لكيعجبك وقلت نجي ندوقك منو (بغات تعني انها صيباتو على ودو فقط)
_إياد (ابتاسم ليها بلطافة وقرب جرها من حنكها بشوي كيعاكسها) : وإلى متفكرتنيش سايرا شكون غيتفكرني.. دابا مزروب هانتي خليه ليا تانجي
_سايرا(ابتاسمت ليه) :واخا انتسناك تاتجي
ابتاسم ليها هو الأخر وباس ليها على راسها بكل حب وتمشا فطريقو خارج حتا سمع سميتو وولا ملافت
_سايرا (عيطات) :إياااد
_اياد(تلافت) :هااا اش كين اسايرا
_سايرا(ابتاسمت بلطف وحركت راسها بلا) :والو والو
ضحك ليها ومشا وهي التالية حدرات راسها حمرة ضارباه بكف ايدها.. هزات عينيها بانت ليها عمتها نادية واقفة فالقنت مبتاسمة وهي كتشوف فيها..كتشوف فبراءتها وفحبها الكبير المدفون سنين وسنين.هي بحدها لي كتعاود ليها على حبها ليه. حدرات راسها ومشات لبيتها مخلية عمتها كدعي فنفسها يجمعهم الله.. ولكن المكتوب ممنو هروب اكيد.. وأقدارنا مكتوبة قبل منحياو 🙃
نمشيو عند مريم ليفاقت من غيبتها وراسها كيحررقها بالصداع.. فاقت شادا منوو وهي كتحاول تحل عينيها.. كارلا وشاهر باقين جنبها
_كارلا (كتعاونها تقاد فجلستها) :هووف على سلامتك خلعتينا علك
_مريم(جلساات مدة وهي مهبطة راسها كيدوز داك الكابوس بين عينيها محسات الا وبالدموع كيطيحو على ليزار) :الله يربي ايمتا انتهنا اناا اييمتااا (بدات كتنخصص بالبكا)
_شاهر (جلس جنبها كيمسح دموعها) :ششش صافي باراكا
_كارلا (من الجهة الأخرى شدات فإيدها) :عاوديلينا امريم اش وقع بالضبط وشكون ليوصلك لهاد الحالة
_مريم(شاافت فيهم ودموعها حجر وعيونها حومر.. هزات نفسها) :هو اكاارلا هوو.. داك الشماتة الحيوان اكاارلا (كلماتها كيتقطعو بسبب الشهقات) آخر آخر حاجة عاقلة عليها ملي كنت فطواليط كنغسل ايدي صافي تما شي شي حد دارلي مخدر وخطفني.. وفاش فاش فقت لقيت راسي فطيارة وهو هو كان واقف عريان وداك لوشمة على كتافووو هي لي عاقلة عليها من بعد صافي مابقيت عاقلة على والو تا فقت ولقيت راسي فلوطيل بسعري فازك ومالابسااااش عريانة اكارلااا واش هدا باغي يحمقنييي وورقة مكتوب فيها انني فلت منو ومازال انجي بين يدييه وغنتلاقاااو ..
وقفات غادة جاية وشادة فراسها وكتبكيي:بغيييت نشوفوو اكارلااا بغييت نقتلووو بيدياااا بغيت نطفي هاد العافية لي كيشعلهاليي فقلبييي ويمشيي
ناضت مارلا عنقاتها وبدات تبكي معاهاا راه صعييب هدشي لي كيوقع بيها شي وحدة فبلاصتها راه تحماااق
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
