عذراء ساقطة

part 53

صبح صباح جديد فقصتنا... صباح هاز ليه الهم رائدنا كثر منا.. فاق السيد هو لول دوش وقاد حالتو لبس رسمي وهبط لتحت لقاهم يلك كيفيقو والطبلة دلفطور يلك كتوجد... فطرو مجموعين وشدو الطريق هازين معاهم الهدايا

بعد مدة طريق..وصلو لدارها وهبطو قاصدين الباب... حتا هوما كانو سالاو شغاالهم بكري وجالسين كيقادو اخر لمسات وفاطمة جالسة مع ثوبة كتعلمها وتوريها تعاليم الدين وتتوصيها عليه بينما هو راجلها فالاصل وأنها خاصها تسمع هضرتو وتطلق معاه حتا سمعو الدقان

_فاطمة(بابتسامة) :هاهوما جاو

_ثوبة (حدرت راسها حشمانة) :الصمت

_فاطمة:يالله لبسي هادي لي جبت لك انا نهبط نستقبلهم مع محمد

هزات ليها راسها باه وهي ساكتة حمرة.. ابتاسمت ليها وطبطبت عليها وهبطت كترحب بطسيلة الشرايبي.. لقات راجلها كيسلم عليهم

_محمد : مرحبا مرحبا

بداا كيسلم على الرجال ليفحالو فقط ومرتو نزلات نقابها ونزلت كتسلم على النسا وعائلة إياد غاكتشوف مبتاسمة.. وبداو كيهضرو بالمغربية فقط

_محمد: تفضلو دخلو

_إدريس : بارك الله فيك

دخلو مجموعين لصالة وحدة غاهي النسا ورجال متباعدة وفاطمة بناقبها غاضة البصر.. ومحمد اغلبية هو لكيهضر ويسمع صوتو فالجماعة

_إدريس :وفينهي بنتنا راه توحشناها

_محمد :فاطمة كلمي ثوبة

هزات راسها باه وطلعات عندها لقاتها كتشوف فلمراية غاشافتها وبدأت كتكبر

_فاطمة؛ الله واكبر الله واكبر.. ماااشاء الله ماشاء الله

_ثوبة (هزات ايدها) :كيف جات

_فاطمة :سبحان الخالق

قربات ليها مبتاسمة وهي مطلعة خمارها وبدات كتقاد ليها فالجوانب... كانت لابسة نقاب من اللونين الاسود والاغوز بااارد.. البرقع توب باارد من لوردي جا مع عينيها الزورق بحال شي ملاك.. وتحت منو التحتية ولا الصاية ليتاهي ثوب رطب ومن الاسود

_فاطمة :يالله نهبطو

هبطات عليها النقاب وهبطات معاها وهي مساعداها... دخلات عليهم حادرة راسها غاشافوها تصدمو كيشوفو فلباسها وكيفاش تاراسها مهازاهش... محدهم قالو جميع "ماشاء الله اللهم بارك" 🖤 باش يبعدو عليها العين... وإياد لمحدددرش عينو بثاثا.. جلسو جميع وتكلم ادريس

_ادريس: واخا هي بنتنا ولكن نعاودو الأصول.. جينا طالبين راغبين ايد بنتكم لولدنا إياد على سنة الله ورسوله

_محمد (مبتاسم) : بينما هوما متزوجين قبل معلينا الا نزيدوكم الله يبارك

_زهير :ايوا الله يكمل كلشي مبارك ومسعود