هزات راسها باه و. طلعات بدلات عليها لبسات سروال جينز بوي فراند كلو قطاعي من مبين لحمها مع ميني فونطر لاصق توب واقف فالأسود ولاحت كاب طويل حتا لتحت باش متلقا معاه مشكل خدات هاتفها تعلم جون
_مريم:الو شاهر
_شاهر :اهلا مريم كيف صبحتي مغنتلاقاوش ولا اشنو راه تسنيتك ووالو ومن قبيلا وانا كنعيط
_مريم:مقدرتش نجي المهم شوف راه لقاو كارلا ودابا هي فالسبيطار
_شاهر (تبدلو فيه اللوان وكرز على هاتفو) :كيفاش لقااوها
_مريم:مفهمتش كيفاش.. لقاوها لبوليس المهم انا غنمشي عندها لابغيتي تجي عيط ليها فهاتفها يقدر يكون فالإستقبال وسول اينا مستشفى
_شاهر (سرط ريقو) :واخا نتلاقاو تما
قطعات معاه وهبطات عندو.. كان تاهو هاز تيليفونو كيتأكد واش التسجيلات وصلوه فلمكتبو ولا باقي.. بانت ليه طلعها ونزلها كيتأكد من حويجها كانت ملوية عليها داك لكاب ماناقصة صداع وهي خاص تشوف صاخبتها ميق فيها وطلع لإحدى سياراتو المتميزة والمعرووفة.. وتاهي عوجات وجهها وطلعات حداه.. كسيرا بسرعة نيشان الوجهة طرييق كلها صمت وهدوء ولكن كيف كنقول ديما تاهدوء مكيدوم
في المشفى كان شاهر سبقهم بحكم قربو وكان كيمثل على كارلا ليكانت هااادءة كليا بسبب المهدئات
_شاهر:كيف بقيتي أكارلا واش أذاوك تشوشت علك
_كارلا(كتهضر بشوي وبثقالة) :انا لااباس فينهي مريم مجاتش معاك
_شاهر (سرط ريقو ودوز ايدو على شعرها) : هاهي غتكون جايا هي و... (رنين هاتفو قاطعو).. واحد دقيقة انا جاي
خرج كيرد على هاتفو مخليها رادا راسها لور وكتعض على شفايفها قربات تدوزهم بالدم
وصلو قدام المستشفى.. ركن سيارتو وشاف فيها مخنزر
_يحيى:هبطي شوفي صحبتك انا من بعد شوي غندوز نطرقك
_مريم(هي التالية خنزرات فيه وهزهزات راسها بآه): واخا
يلك كانت غتهبط حتا شدها من ايدها
_يحيى :ياويلك نشوفك مع شي زامل هانا علمتك
سرطات ريقها وبعدات ايدها عليه.. خرجت من سيارتو وردخت الباب طالعة.. اما هو بقا قدام الباب تاتأكد من طلوعها
مشات لريسيبسيو بابتسامة وخوف فنفس الوقت
_مريم(بالانجلش) :عفاك غرفة كارلا سميث
_الموضفة:سمحي ليا دقيقة نتأكد
طابات فبيسيها تأكدات من رقم الغرفة : الغرفة 207 فالطابق الثاني
_مريم:شكرا
مشات يلك اتاخد المصعد حتا سمعات اسمها والصوت مغرييبش عليها
.... :مريم
تلافتت تأكد ولقاتو هو نيت.. وصل عندها وعنقها
_شاهر:توحشتك أمريم
_مريم(حيدات ليه ايدو) :شاهر ماشي هاكا
_شاهر:سمحي ليا ولكن مقادرش نصبر
_مريم:اجي من هنا بعدا ونهضرو
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
