عذراء ساقطة

part 29

كيطيح كجثة هاامدة جنبها والدم من جنبو داايز بليترات

_كارلا(بصدمة وبحة) :إياد

هبطات راسها معاه وعينيها خارجين كتشوف فيه جنب رجليها طيح جثة.. بقات مدة واقفة كتحاول غير تستوعب الفكرة.. والو عقلها حابس والااوعي ديالها كيقوليها كتحلمي...بدات كتحك عينيها وهي كترجع تشوف.. ولكن الصورة هي هي مزال كيبان ليها مرمي حداها... هزاات نفسها وغوتاات

_كارلا:إيااااد

نزلات طيحة على ركابيها تاتسمعت ردختها جنبو.. شدات وجهو عندها ودموعها بداو كينزلو.. بدات كتفهم الأمر

_كارلا(بهدوء كتحرك فيه) :أياد كتسمعني إياد ياك كتسمعني

كتزعزع فيه وكدي وتجيب فيه فلرض وهي منزلة شفايفها ودموعها ديزين بلا مدير الحس

_كارلا؛ إياد فيق فيق.. هانتا لياد غااافيق منصدعكش اياد انسمع الهضرة كنقسم لك(ابتاسمت ليه) انا غنسلم ا اياد شوف سمعني ياك كتسمعني

حطات راسها على صدرو متكية عليه

_كارلا:عرفتي اشنو.. مبغيتش نكون هاكا (بدات كتحرك راسها بلا) معمري كنت هاكا ولكن ملي مشات هي ملي ماتت وخلاتني بوحدي.. عرفتي اشنو كانو كيتمردو عليا بزاف.. هي ماتت وبابا فجنازتها مدخل غيرها فبيتو.. كنت باغا الاهتمام فقط (علات راسها كتحرك فيه وهي كتنخصص هاد المرة) كنقسم لك ا اياد منقلقك (بدات كتحرك ايدها على خدو) علاش نت بارد هاه علاش

حيدات جاكيطتها وغطاتو

_كارلا(كتقاد عليه لكوير) :مخاصكش تبرد هاه.. ياك نت عندك خدمة.. اياد علاش مكتحاوبش دوي معايا عفااك غاحل عينيك ا اياد.. حلهم عفاااك(كتزعزع فيه بقوة هاد المرة) إياد ايااااد اهيء اياااد

ولا حركة.. تلافتت هاكا وهاكا بحال الحمقة.. متقدرش تخليه يموت.. هو ليبقا عندها دابا.. مغتقدرش تكمل فالدنيا بلا شي سند.. كتحس هي السبب

مشات كتحبو من حداه فلرض وهي كتمرمد.. كتوقف وتعاود طيح... كلها تغبرات وتجرحت.. حفيانة وشحال من حاجة دخلات فرجلها ولكن عافيتها انها يموت قوى من انها تحس.. كتقلب على سيارتو وهي كدور من قنت لقنت..الضلمة عليها..ختا خوفها من ضلمة تلاشا قدام خوفها تفقدو.. كتحبو مرة مرة وهي كتبكي

_كارلا :مغيموتش مغيموتش

ملقاتهاش فداك الاتجاه.. رجعات كتجري عندو تطمأن عليه

_كارلا(حطات ايدها جيهة جرحتو كتحس بالدم ناازل بسرعة وسخون.. كتنخصص) :اياد متخلينيش ايااد متخليينييش عفااك فيق متخلينيش بحدي.. عرفتي لاخليتيني اينهشوني الدياب ا اياد.. انا واللهما هاكا خليك مخبيني عندك.(بدات كتبوس فحنكو البارد ودموعها كيطيحو عليه) مغنبقاش مدمنة كنواعدك.. غامتخلينيش بحالها