عذراء ساقطة

part 57

زادت كتبكي كثر وكثر وتلافتت لعندو فداك... كان الجو ليلى جميييل وحاكم ضواو لمدينة... زاد جمالية على منظرهم... خشاها كثر فصدروو كيطبطب عليها

_أويس :هششش براكة

_سايرا (هزات راسها فيه وعينيها دامعين) : مبقيتش باغا نتطلق

_أويس (ابتاسم ابتسامة جانبية) :ملي كنتي كتوقعي العقد مقريتيهش مزيان للاسف... معمرك اتقدري طلقيني لأنني داير شرط الطلاق يتقدر يترفع من طلقي بوحدي... وانا عمرك تحلمي نطلقك

هزات راسها فيه كنوع من الصدمة على ملامحها كتشوف وكتستوعب جملتو الاخيرة

_سايرا :واش بصح

_أويس(هزهز راسو باه) :يالله ندخلو لبرد علك

_سايرا :دابا واخا نبغي انا نطلق ميمكنش

_أويس (بابتسامتو الهادئة) :تماما

_سايرا (مخرجة عينيها) :ولكن...

_أويس(قاطعها) :نتوما النسا فشكككل يلك كنتي تتقولي مغطلقنيش وفاش قلت لك اش كين عاد حلا لك الموضوع

ابتاسم ليها وتحنى هزها خلاها تشهق.. ودخلها لبيت وهي غير كتشوف فيه فقط معرفات تضحك على هادشي وتفرح ولا تعاتبو على اشنو دار. فالاخير سكتات وهو حاطها على لفراش وتكا حداها كيشوف فيها

_أويس (مد ايدو كيلعب فشعرها) :نعسي باش نخرجو ندورو غدا ومتعيايش

_سايرا (ابتاسمت ليه) :تصبح على خير

_أويس :ونتي من اهلو امرتي

غمضات عينيها باش تنعس وقلبها مزال كيضرب وفيها احساس مختااالف كأنها بدأت كتدخل فنفس الدوامة ليكانت فيها مع إياد... دوامة آخرة كتجدبها بطريقة هستيرية وكثر وكثر عندها.. مقدراتش تنعس حلات عينيها بالزربة لقاتو كيشوف فوجهها وايديه على شعرها كيلعب فخصلاتها باش تنعس

_أويس :مالك

_سايرا :عاودلي شي قصة قبل منعس

_اويس (ابتاسم) :مجاكش النعاس

_سايرا (نفات براسها) :يالله عاودلي باش نحاول ننعس

_أويس :اشنو بغيتي قصة دينية ولا ديال زمان ولا اشنو ثقافية

_سايرا :غير عاود اي قصة جات فبالك

_أويس (ابتاسم) :انعاود ليك على قصة واحد لمرة من النسا منكم قدرات تحبس حرب على قدها بتعفارها

_سايرا (ابتاسمت) :ناقصات عقل ودين... وبرشة عطر نُثيركم.. كل ذلك من رحمة الله بكم.. لم نُخلق كاملات

_أويس (جر حنكها مبتاسم): كون تخلقتو كاملات كون حنا فتات فالأرض دابا

_سايرا :اكزاااكتلي.. يالله عاودلي