هي كتسمع وقلبها كتزير.. دموعها كينزلو وحركتها كتجمد... ولدها ليحاملة بيه لازم تحطو مقابل حريتها.. ياتحطو من كرشها دابا فكرش مرة أخرى ياتخليه تتحطو بين ايديه هو.. يااااا تعيش الجحيم بفم من العسل.. حقا مكينش العدل فالخيارات.. وقبل متختار هي اختار المكتوب وخلاها تطيح مهدودة مابين ايديه ليداز عليها هاد المدة متبغيهش لعدوك ولغيددوزش متبغيهش ليهودي الكافر
بقا كيشووف فيها مدة فالاخير تنهد وهزها بين ايديه مخنزر.. شاف فرقية خنزر فيها
_يحيى :منلقاكش حدايا دابا
طلعها لأحد الغرف الخاووين وحطها على السرير وهو كيشوف فديك الدمعة ليمزال ناازلة على خدها.. والدموع لي لاصقين فشفارها.. مد صبعو وحطهم على دمعة لاصقة فشفرها.. وبقااا كيشوف فيه مصغر عينيه
_يحيى: علاش
بقا كيشوووف فالاخير جمع ايدو وناض من حداها كيمسح على شعرو.. حتا وصل لباب ورجع حط ايدو على كرشها ودوزها.. غطاها وخرج بحالو مخليها
دازو ساعات عاد ضربتها لفيقة فنصاصات ليل.. بدات كتوعا وكتفكر لقطة بلقطة وكلمة بكلمة.. حطات راسها على ركاابيها وبدات كتنخصااااص.. جسمها كلو كيتهز معاها وهي كتبكي وتشهق كارزا على فراشها.. وعاااضا على سنانها من العصب.. كتحس بلي كتظلم من طوف رجل بغاتو وهي مديرة والو.. ومفاهمة والو.. دابا كيفاش واش خاصها تقبلو وتقبل تعيش مع عاهرتو بلا مدير والو.. واخا متكونش مرة.. اهاه وكيفاش اتعطي ولدها بالساهل.. واخا متكونش ام.. بقات طريق ديها وطريق تجيبها وهي كتبكي على عيشتها ومكتوبها.. كون بقات غااافلمغرب تعذب داك العذاب الخفيف ولا جات لهنا تقلب على نحسها بأيديه.. كون غير مقبلاتش نهار لول ولي ليها ليها... كتفها كيف بغا دابا
بقات حتا تفشت وهزات نفسها.. غسلات وجهها وخرجت تشرب لما.. غادا هابطة بضو هاتفها لي لقاتو فوق الكوافوز.. شربت وهي كتشووف فالكوزينة وكتخايل انهم كانو فيها وهي عيفة الدار.. وريحتو لكينة وهيمة فكل قنات خلاتها هز نيفها وتشمشم وهي مغمضة عينها... بغاه حداها فهاد الوقت وملقاتو..فالاخير رضات بمكتوبها وكررزت على نفسها ومشات منزلة راسها بخيبة امل وهي تتحك فكفها.. طالعة فالدروج منزلة راسها بانكسار ودموع.. حتا شهقت فاش شافت شي خيال وكانت غاترجع لور طيحة كونما دوز ايدو ورا ضهرها وجرها عندو مقربها لعندو مخنزر
_مريم (هزات راسها وشافت فيها ودموعها غااامزادو بحالا كتسناه يعنقها) :براكة
بقا كيشوف فدموعها وهي قريبة ليه قرب يحن فيها وينسى كلشي وفنفس الوقت مقادرش
عاودت هزات راسها فيه وخشات رجليه وسط رجلو ورجل لخرة من جنب.. وطلعت نفس درجتو ملاصقين.. تعلات كثر ودورات راسها لعنقو كتشم فريحتو وهي مقادراش تصبر عليها
كرز ايدو وعض على شفايفو مغمض عينيه ومخليها.. فاااشل وكيصبر راسو بكلمة الوحم
بدات كتهز فنيفها فعنقو كطلعو وتهبطو وهي مخدرة ومحاااساش على نفسها بتاااتا... فلقطة حبسات.. ودورات وجهها لواحد المنطقة من عنقو.. فتحات فمها شوي وحطاتو عليه تاتهز.. مصاتها ببطء وختماتها ببوسة فيها
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
