كيف سمع سميتو خارجة من فمها تلافت كيشوفها.. وطاحت ليه وحدة من كلمات الرسالة ليتناساها مع الوقت "غلطت فك"
رجعات داخلة حتا شي ايد كتجرها لقنت الحيط
_مريم: مالك اناري خلعتيني
_يحيى (مصغر عينيه) : كيفاش ديك الرسالة غلطتي فيا.. واش ضنيتيني شي واحد آخر ديك الليلة؟
سرطات ريقها ولونها مشا..شفايفها ليبداو تيترعدو كيخليوه يدخل فدوامة شك
_يحيى (قرب ليها كثر زايد مدخلها فالحيط) :كنتسنى.. واش نعستي معايا على اساس شخص آخر؟ هادشي لعنيتي
يلك بغات تنطق حتا سمعات الزاهية كتعيط ليها
_مريم(لقاتها فرصة) : ي ي لل ه يالله ندخلو كيعطيو لينا
_يحيى : اتسالي غداك انلقاك فبيتك
جرها ودخل وهي كلها كتغزل.. كتحاول تفكر فردة فعلو.. اشنو اتقوليه راه كنت كنبغي راجل ختي فالمراهقة وفاش سمعت سميتك يحيى بدون قصد نعست معاك وانا كنتخايلو هو..زادت سرطات ريقها وهي عارفاه يقتلها وميتسوقش لحمالتها هاد المرة.. أما هو فغادي مخنزر وكيفكر فديك غلطت فيك.. وتيفكر واش كانت كتبغي شي حد وشكونهو والاهم واش نعست معاه زعما متكونش تخايلاتو هو.. قبط على قبضتو كثر وكثر وهو مخنننزر.. جلسو فالطبلة مجموعين وهو جلس جنبها.. كتحاول تاكل ومتبينش شرودها وهي كتفكر فأشنو غتقول ليه واشمن طريق اتخرجها معاه.. الكذوب ولا تجيه لصراحة
في وسط الماكلة شافت فيحيى الفلسطيني مبتاسمة
_مريم:يحيى عفاك داك السلاد ليقدامك
_يحيى : اهاه هي الاولى
هز الطبسيل من قدامو ومدو ليها.. اما يحيى من قبييلا وكيخنزر ودابا غاكمل تلافت فيها نيشان كيشوف فيها مخنزر.. يلك اتشد الطبسيل حتا مد ايدو شدو من عندو وحطو قدامها.. مخلي كلشي مبتاسم حادر راسو من غيرتو ليبينة فاتت الحدود.. اما مريم فغير كتشوف تخنزيراتو كتقلب 69 هبطات راسها بحالا مواقع والو كتحاول متوترش.. أما هو فقط كيخنزر فيها وفيحيى ليقدامها
_يحيى الفلسطيني (هز واحد لعصير من جنبو ومدو لمريم) : هادا هو عصير لكيوي لكيعجبك
مريم هزات راسها يلك اتبتاسم وتقوليه اه حتا تلافت عندها يحيى مخنزر
_يحيى :مبقاش كيعجبها
خلا لاخر غير هاز حواجبو مفاهم والو.. وكلشي كيشوف فيه مستغربين من غيرتو ومبتاسمين.. اما عائشة كتشوف فيوسف مفكرة معاه غيرتو الزايدة عليها
خنزر فيها بمعنى حاولي تاخديه من ايدو.. هبطات راسها مبتاسمة
_مريم: اه ولا كيضرني
_فاتي(قربات ليحيي راجلها ) :براكة السيد أيصدق شاعل لينا حشومة
رجعو كياكلو ومرة مرة يهزو ريوسهم فيحيى لغير مخنزر.. وتامريم مفهماتش هاد الغيرة منين جاتو كاملة وعلاش ولا معاها هاكا.. واش كيبغيها زعما.. نفضات أفكارها فاش شفتو وقف على الطبلة
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
