خرج من الدار وهو كيسمع الحس فالفناء لوراني.. بدا كيتمشا بخطوات سراع. يشوف شكون
واقفة كتنهج فالجنان ليورا دارهم.. وهو طيح حدا رجليها.. من بعدما لاحتو لبارح من فوق السطح..هازا بالا باغا تحفر ليه قبر وتحل حريرتها.. باغا تدفن الحولي
_من وراها بصوت شبه هامس : اش كديري؟
صوتو تردد ليها فمسامعها.. صوتو ليمخافش عليها بين الف صوت.. عادي وهو كيركب ليها الرعب غابهمسة منو.. ايديها فشلو وطيحو لبالة.. بدات كدور بشويييي وقلبها كيشطح رگادة من الخوف
واقفة قدام الحولي مضرقاه زعما..يحيى ميل راسو بدرجة خفيفة شافو وهز حاجبو ورجع شوفتو ليها بطريقة هااادئة وكتركب الرعب فالنفس.. لقا عينيها دمعو ضغيا وهي شادا ايديها كتقمش فكفوفها قدامها وتتبكي... دموعها نازلين حججر قبل ميقول حتا أه
_مريم(بدموع لامعين وكلمات مرة مرة كيتقطعو) : هانتا انعاود لك ومنكدبش والله.. هانت هانتا دابا دابا لبارح ياك (رجعات راسها لتحت كتتبكي عاد عاودت هزاتو وهي ساحية دموعها وخنوتها.. ماسحا بدراعها الدموع ليعلى خدها) دابا لبارح مكنتش بغيتو.. اه ولحتو من لفوق (تتعضر بيدها وكدور راسها بلا) ولكن واللهما عرفت كيفاش... انا كنت كنت باغاه ياك ولكن من بعد مبغيتوش بقا فيا ولحتو.. واللهما قصدت.. واللهما لخااطري ايحيي ثيقني واللهما لخاطري.. وانا انا عارفاك اتقتلني ياك... لا لا لا مغتقتلنيش ياك.. وجيت ندفنو واللهما قصذت ايحيي انا معرفتش اش كيوقع ليا .. واللهما درت شي حاجة انا
نزلات راسها كتنخصص وتبكي بدموع كي لحجر.. بينما هو مطااول فيها الشوفة بهدووء.. بدا كيقرب خطوة خطوة حتا وصل عندها.. غير شافتو درقات وجهها بدرعينها على أساس حامياه من ضربتو.. حل ايديه وعنقها عندو كيمسح على ضهرها... مقدرش حتا يغوت عليها وهو كيشوف كيفاش كترعد خيفة منو وهي ممنها والو فقط وحمها صعيب
_يحيى (معنقها كيمسح عليها) :ششش صافي سكتي موقع والو
غير قاليها سكتي بحالا قاليها زيذي فبكاك.. بدات كتهز وتحط بلبكا وسط ايديه وهي كارزة على تيشورطو وحاطا جبهتها على صدرو
_مريم :مدرت والو أنا أنا مدرت والو
_يحيى :هشش عارف عارف..و صافي براكة من لبكا
تحنى وهزها بين ايديه غادي مدخلها ومخلي لحولي مرمي تما تايجيو ليه الكلاب
_مريم (حاطا راسها وتتبكي... هزاتو حابسة لبكية بزز مدلية شفايفها) :يحيى
_يحيي(طل عليها) :براكة من لبكا
_مريم(طلقات بكيتها وهي مغمضة عينيها) :اندفنوه عفاك
معرف يضحك معرف يهدأها.. بقا غاكيشوف فيها مغمصة عينيها وتتنخصص
_يحيى : صافي غندفنوه غير سكتي من لبكا
أنت تقرأ
عذراء ساقطة
Roman d'amourهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
