عذراء ساقطة

the end 🖤

كان واقف اونفاص مع واحد لحيط كلووو تصاور دلعائلة ..وتصاور حفادو ملي كانو صغار تا كبروو...حيط خخصوو غير لهاد تصاور كيشوف فكل صورة يحدها ويتمعن فيها ويرجع بداكرتو اللور يتفكر دكرى ديال كل صورة..تنهد وهو كيحس بيها وقفات حداه وحطات راسها على كتافو وهي مبتاسمة وكتشوف فصور
نطق وهو كيحط يديه على خصرها:عائلة الزعيم كبرات

طاهرة مازال مبتاسمة:ومازال غتزيد تكبر

ميل راسو وشاف فيهها بكل حب هاد سنين لي دازو مابدلو والو من حبو ليها بلعكس زاد باقي كيشوفها اجمل انثى شافتها عنيه واخة بان عليها شوية لكبر الا انها مهلية فراسها ومامخلياش السنين يأترو عليها :الله يخليكم ليا

تنهدات براحة:أميييين

رجعات حطات راسها على كتافو لعريض وهي مبتاسمة مازال جسمو رياضي كيف كان مزال مهلي فراسو واخة شعرو كساه شيب ولحيتو تاهي ولكن زادو غا وسامة ورجولة ...

كان من موراهم هو وياها قربو ووقفو حداهم وعينيهم تاهوما على الصور

_يوسف :خاص تزيد شي حيط اخور الوليد
طاهرة شافت فيه:علاش
يوسف:جوهرة حاملة
بتاسمو فرحانين
عائشة شادة ليه فيديه:خصارة مايمكلهاش تجي من فرنسا راجلها عندو الخدمة بزاف
طاهرة:خاص نعيط لحبيبتي نبارك ليها فرحاتني الله يفكها على خير
عائشة:أميين

ورجعو كاملين تاني كيشوفو فداك الصور كل واحد متمسكة بيه الزوجة ديالو حب حياتهم لي ضحاو عليهم وماوصلوش لهاد السعادة بالساهل دازو من مراحيل صعيبة بزاف ومشاكل كان تقدر تفرقهم للابد ولكن الحب كيغلب فتالي

عائشة كتشوف فصوره لي فلحيط ملي كان صغير تا كبر بتاسمات بفخر:الله يحفضو لينااا اليوم ايرجع من بعد ما ترقى فمنصب شرطة اف بي اي (المخابرات )
يوسف هز راسو باه وهو كيشوف انه ولدو حقق حلمووو وولا فمجال الشرطة وهاهو ترقى ..رجع بداكرتو اللور..

#فلاش_باك

دورات وجها تشوف هارون مالو صاقل كان باقي جالس فبلاصتو كيتفرج شافت فتلفازة داير فيلم مريكاني مافيوزي ماكاين غا لفرادة ولقتيلة ومكونسونطري معاه شافت فيوسف :شووف ولدك شاف فيه وبتاسم عائشة:هدا باينة طالع لجدو وباه مافيهاااااش

يوسف:هارون هارون

شاف فيه بهدوء:نعام اباابا
_ يوسف:اجي لهنا

هارون دار بوز للفيلم وناض عندو:هانا
_يوسف:كيعجبوك المافيات
هارون:اه بزااف
_ يوسف:باغي تولي مافيوزي
_ هارون:لا
_يوسف: وشنو باغي تولي فاش تكبر
_ هارون:باغي نولي بوليسي
_يوسف:ولاش كتفرج فلمافيات تفرج بعدة فافلام بوليسية
_ هارون مسح على راسو:نقولك علاش
_ يوسف:قول هارون:كنتفرج فالمافيات باش نعرف كيف كيفكرو ونفهم الخطط ديالهم وشنو كيديرو باش ملي نولي بوليسي غنقدر نفكر كيف كيفكرو وتجيني ساهلة نشدهم باغي نكون بوليسي كبير ونشد لمافيات كاملين ونكون قوى منهم وذكى منهم ..نت قلتيلي داك نهار الاجرام والمافيات خايبين وانا ختاريت نكون بوليسي باش نحارب الاجرام والمافيات