عذراء ساقطة

part 24

_اياد:محتاجين لوناسة...

بجوجهم تلافتو لمصدو الصوت... جمعو ضحكة بجوج ووقف جاد مشا عندو عنقو...

_جاد: الامن الوطني هنا... ولد عمي اجي سمع كتعاود على واحد الشاف بحالك...
_كارلا:وتا راه هوا هادا المخي لي كنعاود ليك عليه...

شافو في بعضياتهم وتكرشخو تاني بضحك... اياد جنون كيلعبو ليه فوق راسو... عروقت يديه برزو وعينيه حمارو وهوا كيشوف فيهم كيفاش كيضحكو بزوج... وعلامن..عليه. وحالتها تاهي.. جمع يدو على شكل قبضة وشنق على جاد... ونطق بصوت حاد لي زعزعهم...

_اياد:(مخنزر) حمد الله بلي راك ولد عمي...

دفعو ودار عند كارلا جرها من يديها كارز عليها وهيا كتنتر ليه... وصلها لوطو لاحها فيها حتى تأوهات وضار ركب وديمارا حتى رويض تحكو مع الارض.... صيك ومرا مرا كيضرب في الفولون حتى كيقفزها... كتكون كتضحاك ولا كدير شي حاجة حتى كيقفزها... ممصروطاش ليه كيفاش كتشمتو... كتعاود لواحد اخر عليه وكتهينو وكتضحك من لفوق...

_كارلا(كتضحك) :مال الشاف مقلق... انشوف لبزيزلات...
_اياد(عاض على سنانو) : غير صبري غتشوفي شي حاجا اخرا...
_كارلا(كتلعب ليه فلحيتو) :شنو هيا... انشوفها دابا...
_اياد(كيبتاسم من الشمتتة) : نوصلو لدار وتشوفيها... ونوري لدين مك شادا بيا انا الحتة في البيران السكيرية...
_كارلا (مضورا وجهها جيهت الشرجم كتضحك ممدياهاش فيه هوا لي كيتفقص غير بوحدو مأتر عليها الادمان مزيان)...

غادي وكيزيد في السرعة... حتى وصل قدام لاباغطومو ديالو مبغاش يديها لقصر وهيا في هاد الحالة خاقها دير ليه شي فضحة داكشي علاش فضل يجيبها هنا...

هبط جرها وراه وهيا كتضحك طلعو في السانسور وهيا كتلعب ليه في لحيتو ومرة مرة تبغي تبوسو وهوا كيبعد وجهو... هبطو ودخلها لاباغطومو... وهيا كتنتر ليه حتى شدها من كتافها كارز عليها...

_اياد:كنبان لدين مك انا زامل... ميخي شادا بيا الحتة الخانزة...
_كارلا:ميخي... اه نتا...
_اياد(غا مكتزيد تصعرو) : واش باغا تصعري مي ولا شنو... انا شنو قلت ليك ملي وصلتك اه كديري غير لي في راسك...
_كارلا(مكتسمعش ليه حاضيا ليه غير شفيفو كيفاش كيتحركو مع حجبان المعقودين طالعا معاها التبويقة) انبوسك...
_اياد(مصدوم بحالا كيخوي لما في الرملة) :انا فاش داوي ونتي فاش كتفكر... ليكون في علمك مغندوزهاش ليك بحال صباح...

كارلا كتعلا على صباعها كتحاول تبوسو وهوا كيبعد عارفها معارفش شنوكدير دابا... هبطات يديها بسلاسة كتحاول تفتح ليه صضيف القاميجة... معارفاش شنو واقع ليها همها الوحيد هوا تبرد هاد الشهوة والسخونية لي طاحت عليها... كتحل في القاميجة وكتعض على شفايفها...

_اياد(ماقادرش يتحكم في راسو كتر) كارلا شنو كديري...
_كارلا:ششش... بغيتك...

ملي خرج في صباح مبقا رجع... مبغاش يرجع يشوفها تستفزو بي شي كلمة ميتحكمش في راسو... حتال ليل عاد رجع مبرد شويا... دخل نيشان الجناح ديالو كيضور عينيه عليها مبانتش ليه... طلع لبيتها ملقاهاش.. قلب الجناح كامل مكينش حسها... كرز على يديه وهوا كيشوف في الوقت لي معطل... هز سوارتو تاني وخرج مخدم الجيبي اس في تيليفونها باش يعرف فين هيا...