عذراء ساقطة

part 66

فبيتها كتقاد وتلبس قدام لمراية...سمعات صوت الامداح بدات كتزرب كتقاد فاللمسات الأخيرة فوجهها... حتا دخل عليها لابس رسمي كيبان جذااب.... بوقفات وهو كيطلع وينزل فيها... كانت لابسة قفطان فالبيض داخل فيه لغوز بارد.. فالسفيفة والعقاد ليهابطين من لفوق لتحت... كان بلا كتاف ومكروز من جيهة الخصر مبين ليهونش ديالها.. مع مضمة خفيفة تاهي فلغوز بارذ..وصندالة معالياش بزاف.. ماكياج عراسي راقي وحلقات طوال... وشعرها خلاتو على راحتو

_مريم (تتطلع وتنزل فيه باثارة.. تبسمات ليه) :ارسول الله

_يحيى (مربع ايديه مبتاسم ابتسامة هدوء) :فين غادا أمرتي

_مريم :كيفاش مفهمتش

_يحيى (كيشوف فتفاصيل وجهها) :غادا لشي حفلة ديال الهالوين

_مريم؛ كيفاش لهالوين عوتاني

_يحيى :نقصي من داك الزواق ولا ريحي لك هنا لرض (شاف فجسمها) عاد بلا منهضر على داك لكريز

_مريم :الله يهديك أيحيى تا اشمن زوااق.. هانا عادية وصافي خلينا نزلو

_يحيى :راه كينة غاكلمة وحدة ماشي بزاف

كرزات على ايدها باش متخرجش شي هضرة مهياش.. ومشات كتمسح فلميكاب.. باش تخليه خفيف تاسلات ولاحت لقطن بالنفخة

_مريم :شي حاجة خرى اسي يحيى

_يحيى (بابتسامة هادئة) :اه

جرها من خصرها وبدا كيمص فشفايفها ولعكر كيتمسح معاه... بقا مدة كيبوس فشفايفها وايديها مسرحاهم على كتافو... حتا مص رحيقهم ومخلاش فيهم لعكر عاد بعد

_يحيى (مسح فمو بكنينيكس من اثر العكر) :دابا يالله نهبطو

قبل متلاحظ معاه جرها وهبطو لتحت... باش تلاقا مع صحبتها ليغير شافتها عينيهم دمعو.. كل وحدة كتشوف فتغير لخرة وكضحك وحدة حملات ولخرة سلمات وتنقبات وتاوحدة معارفت اش داز على لخرة.. عنقوو بعضياتهم ورجع يحيى جرها عندو

_يحيى؛ مبروك

_إياد :الله يبارك فيك اخويا العقبة ليكم لشي سبوع قريب ان شاء الله

_مريم :يحيى خليني نهضر معاها شوي

_يحيى :اجي

جرها وزاد خلاها كتنهد وتلافت فصحبتها.. جلسها فطبلتهم العائلية.. غير الامداح والأناشيد الدينية.. غير كتميل راسها وجالسة بضجر.. كتبتاسم ليهم وهوما كدلك وتالحضور غير تيتبسمو للعرسان ليجالسين..أما يحيى ممسوقش ليهم مرة كيقرا اخبار لبورصة مرة كيشوف فيها حاضيها... حتا مشاو فاطمة ومحمد من بعدما استأذنو منهم لأن الوقت تعطل والطريق طويلة... باركو ليهم ورضاو عليهم عاد مشاو. كيف مشاو إياد تبسم ودار إشارة لنادية ليكانت غاتتسناه.. ودخلو لجروب الموسيقي والحيوح بدات