عذراء ساقطة

part 35

تلافت غادي لسيارتو فين مخليها وهو هاز صاك ملابسها ليجابت معاها.. تاهو ماشي قل منها وتأنيب الضمير ونفسو اللوامة رادخاه مع لرض.. ولكن مغيكونش شماتة وهو لغيتحمل مسؤولييتها مادام هو السبب

_أويس(قبل ميطلع السيارة هز هاتفو يأكد هضرتو ) : وجدو الطائرة أنا جاي ومتنساش لاكط

طلع شاف فيها مطوووول.. فالأخير تنهد على حالها وديمارا للمطار.. الصمت هو ليعام فالطريق.. كيحس بالذنب والشفقة جيهتها... غادا غير كتشوف فالطريق بحالا ممعاهش.. باقا لابسة ملابسو ديال لبارح.. محدو مسح ليها أطرافها بزيف سارد.. مكانش الدوش..وقف فنص الطريق قدام مطعم الوحبات السريعة وتلافت عندها شاد ليها فايدها

_أويس:خاصك تاكلي هاه.. (كيطل عليها) اش نجيب لك
_سايرا:الصمت
_أويس(هز ايدها عندو جامعهم) :ندمت ندمت حتا مشيت.. حسيت بالحريق ومجاتش نقولها لك مكنتش ناوي نتعطل بانلي صندوق خديتو وجيت لبلاصة ليكنتي حتا ملقيتكش...مكنتش باغي نخليك انا ماشي شماتة اسايرا.. وتادابا مغنخليكش (باس ليها على ايدها وخرج)

مشا خرج مخليها فالسيارة غير كتشوف.. سمعات هضرتو هاد المرة.. هو مخلاهاش بلعاني داكشي ديال الله.. سرطات ريقها ورمشات دمعة صغيرة نزلات على خدها كانت سخوونة.. حرارتها خارجة من لداخل.. بسرعة متلاشات وبردات مع الهوى مقدراتش تبكي مقدراتش تخرج داكشي ليلداخل... السكات حسن...داك السكات لكيعدب حسن.. اصلا هي باغا تعدب

جاب ساشية عامرة بالاكلات السريعة ووالشكولا مع كابوتشينو ليها تفطر وشي عواصير معلبة.. حطهم قدامها وابتاسم

_اويس:خاصك تاكلي باش نقدرو نسافرو
_سايرا :الصمت
_أويس(رجع ابتاسم بحزن) : ماشي مشكل بلاتي وفطري على راحتك

خدم موسيقى هادئة وانطالق بسيارتو.. مكاملاش نصف ساعة كان فالمطار.. هبط حل عليها الباب وشدها من ايدها

_أويس :يالله.. كتسناك حياة جديدة
_سايرا :الصمت

غمض عينيه كارز على قبضتو.. فالأخير شاف فيها بحصرة

_أويس:تسنايني هنا واخا انا انسد علك السيارة

سد السيارة ومشا وجد وراقو ولباگاج تلاقا بايدو ليمنة عطاه العقد وشي وراق اخرين مع مفاتح احد لفيلاات وهو بادلها معاه بسوارت سيارتو

_إيدو ليمنة:غتلقى كلشي واجد اسي أويس
_أويس (مد ليه الصيگان) :تكلف بهادو

عطاهم ليه ورجع عندها لسيارة.. خدا الساشية من قدامها ومد ايديه حيد ليها سمطة وهو كيشوف فيها.. قرب باس جبينها بحب وقادلها شعرها.. وهزها بين ايديه بحال شي بيبي

غادي وهي بين ايديه كيشوف نييشان.. هاز نفسو وعينيه لامعين ناوي ينسا كلشي.. ماشي ذنبو ولكن فضل يتحمل داك الذنب. تاهي مكتلوموش من بعدما عرفات ولكن نفسها ليمزال غارقة ومااتت صعيب تحيا..