عذراء ساقطة

part 13

بقااا كيشووف مدة فضحكتها وكيتأملها وهو كيقارن بين كلتا اللحضتين.. متبدلاتش بزاف واخا كبرت الا انها باقا نفس ديك الضحيكة ليسلباتو من هادي عام ونص الضحكة لعفوية خارجة من القلب داكشي لي خلاه ماينساهاش

_كارلا (كتشوف فالسيارة من لداخل) :ودااار عندك أشاف عجباتني

ابتاسم ليها وديمارا السيارة.. وهو ساااهي فالطريق وكيتفكر رنة ضحكتها حتا وصل لمستشفى.. دار لقاها نااعسة ومجبدة.. مكمشة فكويرتو شاداها.. دخل لمستشفى وطلب غطاء من عند الممرضة لولة ليجات فطريقو.. خداه ومشا لفها فيه وهزها بين ايديه مدخلها..حطها فأحد لبياصات وتاجهو بيها لغرفة طبيبة.. وخلا الأطباء يتكلفو بيها ويشوفو حالتها اما هو فمشا يعقم جرحو تحت أنضار الممرضات من بعد ما وصا عليها وخذرهم لا توقع ليها شي حاجة وعنيهم تبقة عليها

داز الوقت

_إياد:كيف بقات دابا واش نقدر ندخل
_الطبيبة: حالتها لاباس دابا ولكن داكشي غيبقا مأثر فيها ويقدر يرجعها مدمنة خصووصا الا كانت مدمنة من قبل حيت الجرعات لي عطاوها فوق لقياس لبنت فاقدة السعور كليا وداكشي مشا لبها فالدم
_إياد(تنهد لأنه عارفاها كانت مدمنة قبل) :واش دابا ضروري غتولي تعاطا
_الطبيبة: فهاد الأيام الأولة غير حضي معاها لأنه صعييب عليها المهم حنا معلقين ليها واحد الوصل غيحبس شوي ولكن راه ليمشا فدمها مشااا خاص تبقة تخت اامراقبة وفاش تفبق انزيدو نشخصو حالتها وايلا حتاج الامر نشوفو ليها طبيب نفسي
اياد مسح على راسو ورجع شاف فطبيب ونطق:تاكدتو واش تعرضات للاغتصاب
طبيبة:اه اسيدي الحمد الله ماكاين لا اغتصاب لا والو
هز راسو باه
_إياد: انا غنبقا معاها هاد اللليلة
_الطبيبة:اه تقدر تفضل

خوات ليه الطريق وخلاتو يدخل عندها يشوفها بغة يخليعا تحت عنيه هو يراقبها حتى تفيق.. لقاها متكية بلباس طبي وبينة ماسحين ليها على لحمها.. جلس جنبها ومقدرش يمنع صباعو بدا كيلعب ليها فشعرها وكيبعد خصلاتها بسبابتو.. هبط باس ليها جبينها بعطف وبعد مشا لفوطوي جرو تقابل معاها فجنبها وتكا كيشوف فيها وكيفكر فشكون هادو لي بغاو فيها الخدمة وشنو علاقتعا بيهم زعمة بصاح تكون عندها يد مع لعصابة لي كيقلب عليهم تنهد كيسوف فوجها وملاميحها مااكتبانش ديال داكشي ولكن واعد راسو انه غيحط النقط على الحروف وياخد ليها حقها لا كانت مضلومة ويعرف اش واقع بقة هكا حتا داه النعاس

فالجيهة لوخرا

قلبها طاح مع هاتفها وتارجليها فشلو.. عرفاتو هو وشكون من غيرو

...... :معامن كنتي كتهضري أمرتي
_مريم(سرطات ريقها وحطات ايدها على صدرها) :خلعتيني
_بحيى(هاز حاجبو ببروودة) :اهاه معامن كنتي كتهضري فهاد الليل
_مريم(تحنات هزات هاتفها وتنفسات كتحاول تبين راسها عادية باش متشككوش فيها) :والو غير كنت كنسول واش لقاو كارلا ولا باقي
شافت فيه بهدوء بعويناتها كتحااو تبان عادية:بقة بالي معاها مازال مالقاو والو
وزيرات على الطليفون