مورك عليها خانقها بايد وحدة.. عينيه معمية فقط، كيتفكر فشمتتة مروان وكيتفكر فتصرفاتها وگاع داكشي ليدارت ليه.. بدات كتحس بروحها كتزهق وعينيها بداو كيتقلبو.. كونما فآخر لحظات ماطات إيدها لجنبها وجرات داك الفاز.. ضرباتو لراسو بگاع ديك الطاقة ليبقات عندها.. خلاتو طيح عليها بدمو
شهقات مخرجة عينيها بينما هو حط ايدو على راسو وطاح راسو على صدرها...صدرها كيطلع وينزل وهي مهبطة عينيها فقط كتقفقف كتشوف فراسو ليفوق صدرها والدم ليبدا كينزل عليها.. أول قطرة قاصت لحمها خلاتها تقلبو وتنووض كتغووت.. وقفات كتشوف فيه طيح على كرشو والضربة كتنزف
_مريم (كترعد كلها قربات كتململ فيه) :يحيى يحيى فيق يحيى عفاك فيق نت حي ياك
بعدات منو شادا من راسها بايديها بزوج غادا جاية كتبكي وكتولول خيفة
_مريم :قتلتيه قتلتيه صافي نتي قتلتيه تهنيتي الله ياربي قتلتيه امريم (طاحت للارض) قتلتيييييييه فآخر ايامك وليتي قتالة أمريم.. علاش علاااااش علاش اسيدي ربي علاش انا علااااش.. براكة براكة صافي عيت (هبطات راسها لأرض وهمست بقوة منهارة) عيت
هزات نفس قوية ومسحات دموعها بكف ايدها
_مريم:براكة علك براكة...مكنتيش هاكا ومغتكونيش هاكا
دخلات لدوش غسلات وجهها وغسلات حالتها بالخف من الدميات لينازلة معاها... كان آخر يوم ليها فالحيض..دارت مغطي على جروح وجهها وهرجات عندو.. قربات ليه وهو مغيب دارت فوطة على راسو.. هزات هاتفها كتاصل بالمستعجلات.. ربطاتهم بلوكاليزاسيو خلاتهم يجيو نيشان.. دارو ليه الاسعافات الاولية وداوه وهي معاهم.. كارزة على ايدها فقط ومخليها فايد الله
في المستشفى
_شرطة المشفى:كيفاش حتا وقع ليه هاكا
_مريم:انا معرفتش حتا يفيق ويعطيكم أقوالو
_الشرطة:ولكن نتي مرتو مكنتيش معاه
_مريم :هاء لا
_الشرطي (صغر عينيه) :المهم بقاي هنا حتا يفيق وناخدو أقوالو.. متمشي لحتا بلاصة أو تسافري
_مريم(هزات راسها بأه) :الصمت
كتسنى قدام غرفتو على أحر من الجمر وهي كتلعب بايدها معارفا اش واقع عندو لداخل..فجأة وقفات وهي واخدة قرارها
_مريم:ماشي عيشة أمريم هادي.. ماشي عيشة براكة علك الهم
مشات بخطوات مزروبين لريسبسيو
_مريم:عفاك ورقة وقلم
_موضفة الاستقبال:تفضلي
بعدات جلسات فواحد القنت كتكتب وهي كتبكي.. كتخرج داكشي ليمقدراتش تخرجو على فمها.. كتبات كلشي معتارفة بكل ذنب وغلط.. معتارفة بكل أذى لحق بيها بلا شعور.. معتارفة بحس جديد حساتو ونادمة عليه لدابا.. سالات هزات نفسها مع آخر تنخصيصة.. طوات الورقة وردات القلم للموظفة ورجعات متاجهة للغرفتو.. تلاقات مع الطبيب خارج وقفات قدامو خيفة
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
