عذراء ساقطة

part 8

رجع من خرجتو هاز فإيديه صاك كادو ديالو وكل اللوازم لي خاصاه يبقا هاد الأيام هنا.. دخل القصر واتاجه مباشرة لجناحو ليكان خارج القصر او نقدر نقول جزء متجزء من القصر.. عقلووو ساارح كيفكر فهاد البلان لبخرج ليه من الجنب.. دخل لقاه موجدينو ليه الخدم ومهوي.. اتاجه لحمام مخشي تحت الشاور وكيمسح على راسو وهو كيفكر..فشكون هادي ليتزوج بيها شي مدة ومن بعد يطلقها متوحل فيه ميوحل فيها... يلوح ليها فلوسها ويدردبها مع الباب.. كيفكر ويعاود فالأخير قرر يخلي الأمر لمدير أعمالو هو يتكلف.. اصلا الأمر مكيهموش ومهاموش الزواج والإستقرار..ولكن يقدر يهمو

خرج من الدوش عاري الصدر غابفوطتو تلقاها قدامو هازا قميجتو فإيدها كتشمشم فيها وهي منتشية.. لابسة شوميز حمر مغري وضاربة الروايح والميكاب تاللخر.. ميق فيها وقوص حجبانو مخنزر

_يحيى:اش كديري هنا
_غزلان(عضات على شفايفها) :جيت غير نونسك شوي ايحيى
_يحيى (هبط راسو وكارز على قبضتو وملامح وجهو بدات كتغير) :اتخرجي تقودي عليا دابا بلا منفيق كلشي اغزلان
_غزلان(بدات كتقرب بتحلوين) :يحيى نت عارف شحال كتهمني وعارف شحال انا..
_يحيى(قاطعها هاز راسو ومعلي حاجبو بنبرة تهديدية) :مخارجاش اغزلان ياك!
_غزلان(سرطات ريقها عارفاه علاش قادر.. طبعات قبلة فقميجتو وحطتها) :نخليك ترتاح دابا الأيام باقين طوال

غمزاتو وخرجات مخلياه كيغلي.. ومقادر يدير والو.. بدل عليه وتكا مستسلم للنعاس

إياد هو آخر شخص دخل للقصر ليكانو أضواؤو مطفيين.. كان فات الوقت وكلشي غارق فنعاسو.. حل لباب واتاجه بخطوات خفاف لبيتو ليكان فنفس الجزء ديال يحيى كيف وصفت قبل.. عندهم بحال المنزل او 2 أجنحة من الجهة اليمنى ديال القصر..كان جناحو فالأسفل اتاجه لغرفة نعاسو.. حتا كيتفاجئ بيها جالسة فوق سريرو

_سايرا(وقفت) :جيتي
_إياد (مستغرب شاف فساعة إيدو) :بقيتي كتسنايني (شاف الطبسيل فإيدها باقي هو هو)
_سايرا:هاه لاا غير غير مجانيش النعاس
_إياد (ابتاسم ليها) :واخا اجي نسهرو واري داك الطبسيل لهنا

قربات عندو بابتسامة وخرجو لكولوار جالسين فواحد الجليسة صغيرة.. تربعو مقابلين لبعضهم وحطات ليه الطبسيل وسط ايديه.. كيتدوب ويتبنن

_إياد: لا لا فرحات هادا ليغياخد بنت عمي
_سايرا (من النوع الحشوومي والبسيييط.. هبطات راسها وحناكها غيطرطقو وكدعي فبالها يكون هو داك الشخص) :عجبك
_إياد:علاش نقدر نقول خيب وهو من ايدك
_سايرا(ابتاسمت ليه) :اش كنتي كتعاود هاد الأيام علاش غبرتي علينا ا إياد
_إياد:الخدمة ولكن صافي قررت انبقا معاكم اش بانلك
_سايرا: هي في الحقيقة غاااغتصدعنا ولكن هانيا نتقاو فك وجه الله
_إياد:وجه الله ياك اهاه واخا

هز بقية لكيك وبدا كيطليه لوجهها.. مع غفلها طاحت للأرض وهو محبسش جا فوقها كيطلي البقية وهي كتحاول تمنعو كدور فوجهها وسادا عينيها.. ضحكهم كان مسموع وسط داك االيل والقمرة كانت شاهدة.. دفعاتو وهو حط ايديه لأرض محاوطها يشد توازنو ولكن زلق بسبب لكيك ليكان لاصق ليه فكفو.. الشيء ليخلا وجهو ووجها ملاقين ونيوفهم ملاسقين.. حلات عيونها الخوضر البااردين بشوي.. وتيرتها تسارعت والصهد بدا يطلع معاها.. وهو كدلك.. كيحس بالسخونية وانفاسها لكضرب فوجهو زادت كملات عليه.. محس براسو الا وهو هابط كيدوز لسانو على شفايفها كيمسح داك لاكخيم والشكلاط.. معرفش ايمتا حتا دخل شفايفو وسط شفايفها كيمص فيهم ببطء كيتبنن بداك الشكلاط.. وهي كدلك ليقلبها كان غيسكت ومعدتها بقا ليها شوي وتهبط لرجليها.. تفاعلت معاه بكل حب وفرحتها عالم بيها غالله.. حتا حس على راسو فأش كيدير وبعد بسرعة ندمان