عذراء ساقطة

part 36

كتفيق بين شي ايدين وهي مزال فالارض.. قطرات الما كيترشو على وجهها.. بدات كتحل عينيها وكتسدهم كتحاول توضح الرؤية وتقنع راسها مكتحلمش

........ (بابتسامة) :على سلامتك أمرتي

فوهها تحل شوي وهي كتشوف فيه خصوصا ملي وضاحت ليها الرؤية غير كتشوف مفاهمة والو حتا باش توقف فشلت

_مريم :اش اش كد كدير هنا
_يحيى(ميل راسو بابتسامة) :جيت نشوف مرتي وولدي

زادت من صدمتها وخرجات عينيها كثر وكثر وهي مفاهمة والو.. شدتها البكية

_يحيى(هزها بين ايديه بابتسامة مخلي المغاربة كيتفرجو) :هووب.. مجاتش ولدي محتاج ليا ومنجيش
_مريم:حطنيي حطني بلا فضاايح اشمن ولد انا محاملة موالو
_يحيى (شاف فيها مصغر عينيه) :اي حاجة كتخصك كيعرفها هاد الفريگو

وهز راسو مخنزر مخليها تضرب الطم بعد هاد الجملة.. وصلها لسيارتو وحطها بهدوء.. مينكرش ريحتها ليكانت ديما فنيفو توحشها فهاد المدة.. كل نهار كان دايز عليه فشكل وهي مكيناش كانت خاصاه غالفرصة باش بردها بين ايديه ودابا الفرصة جات تالإيديه

تكى كيدير ليها فالسمطة ودور راسو لعنقها خلاها تهز حاجبها.. طلع نيفو مع عنقها لدرجة حسات بشعر لحمها تشوك وغمصات عينيها عاضة على شفايفها ولمرة خرى قلبها رجع كينبض بحالا موقع والو فهاد المدة.. داكشي تضرب فالزيرو كيف شافتو مرة خرى.. ولكن باقا كتقنع راسها بالشك والحمالة فقط..بعد وهو صانع ابتسامة خفيفة ودار ركب مديماري.. وقف قدام أحد ليريسطو وهبط حل عليها الباب

_مريم:علاش جينا لهنا(دورات وجهها مخنزرة) مفياش الجوع غاديني بحاالي
_يحيى :اتهبطي على رجليك ولا نهز مرتي

تلافتت بسرعة تشوف فيه وتشوف هاد التغير

_مريم (مع بالها) :اشنو زعما يكون باغي ينتاقم مني ولا كيفاش
_يحيى (ملي مجاوباتوش تحنى عندها مد ايديه) اهاه واخا

يلك غيهزها حتا حيدت ليه ايدو ونزلت على رجليها.. دخلو بزوج واحد فجنب لاخر ويحيى لأول مرة مبتاسم وفرحان.. هاد الخبر كان كفيل ينسيه فيزااف الحويج دابا وحتا شوقو ليها ليمناكروش مخليه مهدن.. بدات كدور فعينيها شد من ايديها وداها لأحد الطبالي فالقنت ووقف وراها جار الكرسي

_مريم(هازا عينيها كتشوف فيه مفاهمة والو) :الصمت
_يحيى :مغتريحيش؟

سرطات ريقها وخسرات ملامحها وجلسات.. دار جلس مقابل معاها.. وبلا طلب جا للسرباي عندهم مبتاسم

_السرباي:اش حب الخاطر اسيدي
_مريم (مربعة ايديها محاملاش الوضع) :ماباغا والو انا
_يحيى: جيب لي فطور كامل وصحي هاه وشي حاجة باردة معاك

ربع ايديه كيشوف فيها وهو متكي على لكرسي لور

_يحيى :باش نبداو أمرتي
_مريم: عفاك هاذ مرتي كتخلعني كثر من ديك ساقطة
_يحيى (قرب وجهو) :وخاصك تخافي