عذراء ساقطة

part 42

🖤عـــــــــــذراء ســــاقطة🖤

بقلم :fatita Elabbassi ✒️
فكرة :nada_alami🍂

الجزء 166🔥

_إياد :اشنو سميتك
_..... : ثوبة

كرز ايدو وهز نفسو.. جلس كيستجوب فيها وهو عينيه كيشوفو عينيها لكيتحركو بعاد عليه

_إياد : فين كنتي ملي جابوك لهنا
_ثوبة : كنت جالسة كنلقط التفاح لكيطيح للأرض فالارضية ديالنا حتا جاو جابونا لهنا
_إياد : اشنو كنيتك
_ثوبة :دابا اشمن تهمة جبتونا وعلاش كتعاملو معانا هاكا.. ولا حيكاش مسلمين
_إياد (نسا السؤال كامل وهو كيزيد يسمع صوتها لكيدخل مع طبل ودنيه)؛ لأنك كنتي فالمنطقة المشكوك فيها
_ثوبة: ومن بعد المنطقة لمشكوك فيها ماشي الناس لمشكوك فيها.. هاااه ولا سيادتكم قلتي اي مسلم جيبوه لهنا (قربات وهزات نضرها مخنزرة) اه مسلمين ولكن ماشي ارهابيين.. الارهابيين هوما نتوما الكفار اما حنا مسلمين وبزاف على الإرهاب
_إياد (من بعد مدددددة طويلة ابتاسم كيشوفها كيفاش كتمرد عليه وكدافع على الاسلام وزاد تشبت بيها وكيطلب الله تكون حبيبتو نفسها) : ياك
_ثوبة : اه مسلة ماشي إرهابية.. دينا سميتو الاسلام مسميتوش الإرهاب باش تشدونا هاكا وتحتاقرونا.. واصلا غير زيدو عذبونا هنا لأنكم غتعذبو كثر لهيه والله شاهد
_إياد(ابتاسم كثر) : اشهد ان لا اله الا الله وأشهد أن محمد رسول الله.. انا مسلم اصلا
_ثوبة(سرطات ريقها) :هاه

مزال عينيه فييكس عليها تا الاستجواب مقادرش يكملو.. كلما كيسمع صوتها كيزيد قلبو يتزير عليها ونفسو تتحلف وتقسم تاكارلل ديالو هادي ولكن عينيه كيكذبو.. اش غيجيب كارلا لشي نقاب وزادت اسمها مغاير

_إياد(سرط ريقو) : واش تقدري تحيدي الخمار
_ثوبة (بحقد وعصبية شافت فيه) : لا مغنحيدوش وليحط ايدو عليا نقسمها
_إياد(نزل راسو وهو كيسرد فشفايفو لأول مرة تيحس بالتخوف من شي استنطاق) :شكون داك السيد لي جا معاك
_ثوبة :بابا

هز عينو ونفسو كتزاد وتيرتها كأنها نهات ليه الشك وزادت كسراتو.. بدا كيرد بهوس وايديه تترعد عليه

_إياد:لا لا لا.. لا لا لا لاا لااا لااااااااا

مع أخر لا للنفي أفكارو وشكو.. قلب الطبلة بأيديه وهو واقف جااعر.. خلاها توقف خيفة تلصق مع الحيط.. رغم رجلها لمضروبة.. جا عندها وهو عينيه خاارجين ونوعا ما مغرغرين

_إياد(شدها من كتافها) : لا لا نتي ماشي ثوبة نتي كارلا ياك.. نتي كارلا ديالي ياك

دازت دمعة بلا ميحس وهز ايديه لوجهها فوق الخمار وهي غير مخرجة عينيها

_إياد(بانكسار ميل وجهو ودمعتو واحلة فنص خدو) : كارلا توحشتك

بلا متحس ولأنها عارفا الاسلام كيمنع مس الرجل غير الزوج أو الحرمة لمرأة.. هزات ايديها لعلال السما وعطاتها ليه بصقلة تاوجهو دار