عذراء ساقطة

part 26

هابطة وهي مهبطة شفايفها.. وكتشوف فلبلاطو.. مع حطة رجلها فالدرجة الاولى حتااا مشااات لاهي لابلاطو.. غوتة وحدة شدتها هزات معااها ليداخل القصر وليخاارجو خصوصا هو.. كلشي نااض كييحري عندها..كانت وصلات لتحت مع دوك الدروج الكثار.. كلشي وقف شااااهق ومخرج عينيه وكيشوفو فيها مرمية عند آخر الدروج وبركة دم تحت من رجليها

يحيي مخرج عيينيه كيشوف فيها كيفاش مرمية وأكثر من هادا كيشوف فداك الدم ليتحت منها وكيفاش كيتزايد..تحني طايح على ركابيه جنبها قلبها بشوي عليها لعندو كيعاود يفيقها وهو كيضرب على حنكها اما العائلة غااوااقفة كلها يلغي بلغاه

_يحيى :مرريييم مريييم

لاحركة ولا تزعزيعة محدو نفسها ليباقا كطلع وتنزل ودمها كيتزااد.. هزها بفزع بين ايديه والدم كيتقطر

_يحيى:وجدوووو لياااا طوونوووبيل

غادي كييجري بيها وزهير سابقو وجد ليه سيارتو قدام لباب محلولة.. حطها ودار ركب.. ركبات معاها نادية شاداها عندها وهو غاااادي طاااير لأقرب مستشفى وايديه كيترعدو

_نادية: نتاابه لطريق ايحيى غتكون بيخير ولكن الدم...

سكتات وخلاتو هو يفكر...اه الدم مناش.. واش تكون حاملة وطاح ليه ولدو لمرة ثانية وهو كيتسناه مدة طويلة.. داكشي علاش كانت تتصرف معاه هاكاك يعني هي حاملة.. لا لا ميييمكنش... هادشي كامل خطاب بينو وبين نفسو غيير مزايد فالسرعة كيضوبل وسيارات العائلة وراه حتا وصل لأكبر مشفى وأقربهم لدارو.. نزل كيغوت وهي بين ايديه مرمية وشعرها البني ولا حمر بالدم.. دخلها وجاو كيجريو بواحد لبياص وممرضات.. حطها وبقا معاها حتا دخلوها وسدو لباب.. مدازش الوقت بزاف.. كانو مجموعين على الباب كاملين وهو بعيد فواحد لكلوار كيكمي فگاروه ونبهم انهم يهضرو معاه دابا وهو كيتخيل الوضع تكون حاملة وطاح ليها الولد.. هادشي مكيبشرش بالخير.. بانت ليه الطبيبة خارجة...لاح گاروه برا ومشا كيزرب عندها

_يحيى(بلهفة) :ااش وقع
_الطبيبة :تهدن اسيدي هي الوضع دابا مستقر فقط جاها نزيف حاد مع الخلعة واش طاحت ولا اكسيدو ولا اشنو
_نادية:طاحت من الدروج
_الطبيبة: اه الطيحة كانت خيبة عليها خصوصا مع ليوم كانت غتجيها ليغيگل فمع الطيحة والخلعة سبقات ليها وبإيموغاجي

يحيى هبط راسو وكرز على ايديه وهو كيقول مع بالو الحمد لله ملي مكانتش حاملة وطاح..حتا رجعت قاطعاتو

_الطبيبة:وايدها ليمنة موعتة شوي المهم دابا راه شوي غنقلوها لغرفة خرى.. خاصها شوي الدم شكون فيكم عندو o+
_كوثر:انا عندي
_الطبيية(شافت فأحد الممرضات) :تكلفي بيها

شكروها ومشات حتا تبعها يحيى موقفها

_يحيى: بغيت نسولك
_الطبيبة: اه تفضل نت راجل المريضة ياك
_يحيى:اه.. بغيت نعرف واش عاادي تصرفاتها يتقلبو ياك قلتي يلك جاتها ليغيگل غادابا ولكن تصرفاتها من صباح مبدلين
_الطبيبة(بابتسامة) :اه هي كتعاني من متلازمة سابقة للحيض (Premenstruel syndrome)
_يحيى:وفهاد المتلازمة كتقلب لدرجة كبيرة
_الطبيبة: اه اغلب النساء كيتقلبو بدرجة كبيرة خصوصا لمتزوجات يعني غير حضي معاها فهاد الفترة كتكون قبل من الحيض وتتدوم فالفترة ديالها.. تقدر تضحك وتبكي فلازم تعاملها بحال دراري الصغار لأنها فترة صعيبة
_يحيى:شكرا