عذراء ساقطة

part 48

فاقت بعد مدة كتشبح.. لبسات عليها وهبطات كتلقا الخدم والحشم كيدورو من هنا لهنا كيزينو فالجردة وواحد الطبلة كبيرة ولكوزينة فيها 2 ليشاف والخدمات.. كوثر كتآمر من هنا لهنا ومعاها واحد طريطور وعاد كينة نادية كدور على شي ديكورات

_جيلان :خالتي

_كوثر (ابتاسمت ليها) :صباح الخير عروستنا

_جيلان؛ صباح النور.. علاش هادشي كامل

_كوثر:عقد ولادي ومنفرحش بيكم

_جيلان :واش غيحضرو الناس

_كوثر:غيكونو شي أصدقاء ديالنا والعائلة.. بالمناسبة ابنتي راه باباك جاي فالطريق

_جيلان :ولكن هادا غالاكط باقي العرس!

_كوثر(شدات ايدها) : بغينا نفرحو بيكم.. متخافيش مغيكونوش بزاف الناس..يالله سيري فطري وسيري عند نادية تعطيك قفطانك وتسناو غيكونو لكوافوروات جايين

_جيلان:أ أ خالتي..

_كوثر (قاطعتها) :حيدي عليا ديك خالتي ياعيطي ماما يابلاش

جيلان شافت فيها لمدة وهبطات راسها مبتاسمة مفكرة مها ليممعاهاش من شحاال هادي.. وهاد الكلمة بالضبط ليمبقاتش شحااال نطقتها

_كوثر (هزات ليها راسها بيدها) :من ليوم راك بنتي بحالك بحال سايرا فعيطي ليا ماما ولا اشنو مجاتش معايا

_جيلان (حركات راسها بلا) :جات معاك
أماما

_كوثر :هاااه يرضي علك.. اهاه اش كتتي بغيتي تقولي ليا

_جيلان : درت مع واحد جوج صحاباتي غنمشيو عند واحد لكوافورة زوينة وحنا كليان عندها

_كوثر: تاهادي لي جايا ابنتي راه من احسن لكوافورات

_جيلان : غير حيكاش ولفتها وصافي

_كوثر :واخا غيوصلك الشيفور وعنداك تعطلو راه الحفل ايبدا مع ستة والناس غيكونو هنا مع ديك ستة ونص

_جيلان : لا متخافيش انكونو هنا قبل ستة

_كوثر :يالله سيري فطري وسيري عند نادية

_جيلان(ابتاسمت ليها) :واخا

باستها ومشات مبتاسمة.. دخلات لكوزينة فطرات ومشات عند نادية ليرحبات بيها وجلسات كضحك معاها

_نادية (جبدت ليها واحد القفطان تحت غطاه بالأسود)؛ هادا صممتو لك ديالك

_جيلان (عنقتها) :شكرا

_نادية :يالله سيري باش متعطليش راه 3 هادي

_جيلان :واخا نخليك دابا

هزات صاكها والقفطان بلا متشوفو دابا وخرجات لقات الشيفور كيتسناها يلك بغات تطلع حتا سمعاتو كيغوت باسمها