عذراء ساقطة

part 15

كانت متكية فسريرها.. مهبطة راسها كتقاد فالإبرة وهي تتجر داك السائل.. قداتها ودگاتها فدراعها وخبات القرعة.. رجعات رااسها لوور كتسنا داكشي يسرا فجسمها وتحس بالإنتشاء.. صور مضببين كيدوزو قدام عينيها المغمضين من مختلف الللقطات.. حتا بداات كضحك وهي كتشوف فديك اللقطة المضبة.. كتشوفو كيفاش كيضحك معاها وسط السيارة وكيفاش كتسمع ديك "الشاف".. بدات كضحك ومرة مرة كتحول ضحكتها لدمعة فاش كتفكر عائلتها واشنو وقع ليها معاهم وكيفاش سمحت فكلشي من بعد إذمانها وكيفاش باها تبرا منها وسمح فيها وحتا الموت اختارت مها.. حياتها مكانتش ساهلة كيف ضحكتها.. ودابا عاد مزادت كتصعاب وهي راجعة لهاد البلية والاذمان

داز الوقت وهي غير فجناحها من لبارح مشافتوش مرجعش لدار.. وحتا العائلة مهبطاتش عندهم محدها تلاقت مع إياد فلكوزينة فالفطور ديال هاد النهار.. وسولاتو على حالة باه ليكانت بدات كتحسن وفاق على خير.. فرحها نوعا ما ولكن ماباغا تشوف حد دابا فضلت انها تبقا فبيتها حتا وصل الليل

متكية على كرشها ببيجامتها الصيفية كتلعب برجليها مع بعض وهي كتفرج فالتلفازة كدوز من لقناة الأخرى.. حتا المدرسة ملي متلاقاتش مع كارلا دازت عندها مملة وبحكم هو مكينش مقدراتش تزيد تصعبها على رأسها وتمشي تشوفها فالمشفى.. مريم علات راسها من التلفازة فاش شافت الخدامة داخلة ومدخلة بواط كبير فإيدها

_مريم(بالنجلش) :اشنو هادشي
_الخدامة:رسلها لك سي يحيى
_مريم:واخا حطيها هنا وسيري.. (تمتمت بالعربية) الله يحضر السلامة وصافي

حلاتها تاخرجت عينيها وهزات بيين ايديها داك الشوميز ليكان فالأسود القامت غير شبكة خفيفة نازلة سماطي رقاق وبيينة سليم.. ومعاها فقط واحد السترينغ فنفس لونها.

_مريم(مخرجة عينيها من المنضر وهي هازا داكشي بين صباعها) اش هادشي..

حتا كتلمح ورقة مليوحة فالصندوق كانت تحت الشوميز ليهزات.. هزاتها كتقرى فداكشي المكتوب بغيض وهي كتصغر عينيها بتحدي..ورقة مكتوبة بالخط اليدوي العريض

"نجي نلقاك واجدة فمصلاحتك دوز هاد الليلة بخير"

كوغطاتها ورماتها شاتفة عليها :وااخا اسي يحيى ميكون غير خااطرك احنا نبداو فالتطبيق

خرجات بغيض من بعدما هزات هاتفها الخفي.. لأن عندها 2 هواتف كيتشابهو واحد ديراه للمكالمات السرية مع جون ولاخر هو لمبينة ليه وبجوووجهم متقدرش تفرق بينهم نفس الماركة ونفس البوشيطة لانها ماشي مكلخة وعاارفاه غيكون مراقب اتصالاتها.. فإذن مغتبغيش تغامر وتلعب على المكشوف.. خرجات من البيت فإتجاه الحمام وطلقات ما الدوش ودوزت لخط لجون

_مريم:الو
_شاهر:الو مريم
_مريم:اش درتي راه هدا غيبدا يلعب بيا كيف بغا انا منقدرش نصبر كثر
_شاهر :صافي كوني هانية راه قلت لك خلي كلشي عليا
_مريم:واشنو درتي دابا
_شاهر:قلت لك كوني هانية صافي.. راه زرعت واحد الجاسوس من رجالي غيجمع لينا گاع الضواسا
_مريم:وعنداك اشاهر معولة علك
_شاهر:نفديك بحياتي انا