عذراء ساقطة

part 5

_إياد:أش كدير بنت عمتي هاه
_سايرا(غاسمعات صوتو وشمات ريحتو كان غيسكت ليها القلب وقفات كتلوح داكشي.. غوتات) :ااااه (بدات كتهز فصدرها وتحط وهي كترعد.. خلعها)
_إياد(بابتسامة) :شش صافي صافي تهدني دابا تموتي ليا صافي غابغيت نضحك معاك (جرها عنقها عندو)
_سايرا(ابتساامة بريييئة وسط خوفها طلقات.. حطات راسها على صدرو كتشم فريحتو.. شحال توحشتها رغم انها شافرة ليه وحدة)
_إياد(طلقها كيتمعنها كيشوف كيفاش كبرات وفورمتها ليزيانت.. صدرها كان بين من داك الديباردور ولكولون ناحت أردافها.. أما شعرها غامكيزيد وكيطوال واصل تحت ضهرها):امم بنت عمي غادا وكتزيان صافي غانخطب انا
_سايرا(قلبها علاين يطيح.. حمارت بشدة) الصمت (كتشووف وتمعن فحروفو الكوحل)
_إياد:واش باقا خايفة شتك كترعدي (هز ليها ايدها) دابا تموتي وتوحلي فيا تهدني
_سايرا(خسرات فيه الشوفة) :نت عارفني مريضة بالقلب وديما كدير لي هاكا، شي نهار تقتلني
_إياد:صافي صافي المسامحة..

قرب لطبلة هز كاس لما مدو ليها تشرب منو ورجع كيشوف فلوراق المخربقين

_إياد (هز وحدة) :امم اشنو هادو أسايرا
_سايرا(خرجات عينيها ورمات لكاس.. دارت تاخد الورقة) :والو والو
_إياد (على الورقة لفوق) :اممم والو ومطيحة الكاس ومخلوعة هاكا..
رمقها بنضرة تهديد كيتملغ معاها:علامن كتكتبي دوب نسمع راه غيرتي خايبة نصدق مفرك بطانة.. متقوليش درتي 23 عام كبرتي صافي
_سايرا(سرطات رايقها وهي كتعلا على صباع رجلها) :ولااا أ إياد طلق مكين وااالو طللق عفاك

..... :هيه شتك محامي على ختي ولا شنو
_إياد (تلافت مبتاسم) :على السلامة

سايرا استغلات خوها ليشتت انتباهو وجرات ليه الورقة جمعت داكشي.. وتاهو خلاها تجرها

_جاد:وراه انا لي خاصني نقول لك على السلامة
_إياد(قرب ليه وعطاه كروشي خفيف) :ماباغيش دير عقلك وتبت اصاحبي
_جاد :تامالك أصاحبي راه مبقيت كندير والو
_إياد:ناعس على ودني انا.. ياك قلت لك داك الزبل بعد منو راه غامرض واش باغيهم يجمعوك من الزنقة ونت مخدر يذيوك القبر
_جاد:وصافي اصاحبي سخن بلاصتك
_إياد(جرو عندو معنقو) :تعلم من ختك لي صغر منك لعقل وتباتة
_جاد:مال ديلمك الزين والفلوس وكلشي ملاوح عليا
_إياد(باتسامة استهزاء) :بقات فالزين

جلسو ب3 فجناح سايرا كيتحثو وكيضحكو بيناتهم وهوما كيتفكرو أيامات الصغر.. بحكم قربهم فالسن كيتفاهمو إياد كبر
منهم غا ب 4 سنين.. غاكل واحد وشخصيتو.. بينما لتحت مجموعين الأخوة كيتحتو فالبزنس وفرحانين برجوع إياد خاص غاخوه وتكمل العائلة.. وهادشي كان ضروري فهاد الأيام ديال عياء الاب ديالهم

هادو هوما الأخوة الشرايبي لكلشي ضارب ليهم ألف حساب.. العصب مربوط على العصب والدم ميفوت الدم.. ولكن واش تقدر تجي شي حاجة وتخربق هاد الدم تيولي ما

صبح صباح جديد فحياتهم.. هاز معاه أحذاث على قد خيوط شمسو الذهبية.. كانت فيقة وسارحة فالفراااغ والشمس ضاربة ليها فوجهها ومتخللة خصلات شعرها البنية.. أما كارلا فكانت كتجمع لافاليز ديالها وكتغوت على مريم باش تنوض لايتعطلو