شدها من ايدها شابكهم ودخل مبتاسم وهي غير كدور راسها من هنا لهنا كتشوف ففندق احلامها قدامها عاااجبها الحال وقف فرسيبسيو وابتاسم.. غير شافتو الموظفة هزات راسها ابتاسمت ليه ورحبات بيه بلغتهم
_سايرا (بالدارجة خسرات ملامحها) : بوسيه نتي
أويس شاف فيها فيه الضحكة..ولكن هي ممنتابهاش ليه بتاتا..دفعاتو وجات قدامو بحالا غتخطفو ليها
_سايرا (مخنزرة.. بالانجليزية) :عندنا حجز هنا
_الموظفة(بابتسامة) :ممكن البطاقات ديالكم
_أويس :أ..
قبل ميكمل هضرتو دارت خنزرات فيه
_سايرا :ارا ديك لاكارط
ابتاسم ليها
_اويس :راه مم..
_سايرا (عاودت قطعاتو هازا حاجبها) :ارا البطاقة وخلي صوتك عندك ومالك كضحك
هز نفسو وهو فيه الضحكة وعطاها لاكارط ديالو بلا ميتزايد معاها وهو عاااجبو الحال اما هي مزال معارفاش راسها اش كدير.. ولا كيفاش الغيرة كتحكمة فيها دابا
_سايرا (مداتهم ليها) :هاكي
_الموظفة: الحجز باسم أويس الشادلي
_سايرا :اه
_الموظفة (ابتاسمت وعطاتهم بطاقة ذهبية) :كون قلتي لينا غير الاسم ألالة.. الجناح ديالكم واجد وحتا ليفاليز وصلو قبيلا
جراتها من عندها وشافت فيه
_سايرا :كيفاش
_أويس :هادشي لكنت باغي نقولك ديجا.. كنتي تعطيها الاسم اتعطيك البطاقة
_سايرا(مخرجة عينيها) : بلاتي بلاتي دابا كيفاش جناح واش حنا عندنا جناح عائم يعني من دوك الجوج
شدها مدخلها لاسانسور كلاها مع واحد القنت تاخرجات عينيها وحط ايديه على حناكها
_أويس : هادشي مكيصدمش قدما صدمتني غيرتك دابا
بدا كيقرب بشوي وهو نازل لجيهت شفايفها مبتاسم.. خرجات عينيها وهي كتشوف علاش ناوي.. هابط وعينيه على شفايفها المنفوخين.. بدات كتسرط ريقها ونفسها كطلع وتنزل.. وهي تتقول اش دير كيفاش غتحرك وهي معندها فين تهرب.. مبقاش بزاف كتحس بنفسو فوق شفايفها..ملقات الا أنها تغمض عينيها كارزة على شفايفها وراسها.. معدتها نزلت.. حتا كتحسو دوز فمو من تما بلا ميقيسها لودنها هامس
_أويس :وكانت أحسن صدمة
ابتاسم وبعد مخليها هزات نفسها شاهقة..يلك اتنطق حتا تحل لاسانسور وخرج
_سايرا (تبعاتو) : اينا اينا غيرة.. انا والغيرة هاااهااا هاها بفف انا غرت بقات ليا غاااغيرة
أويس غير كيبتاسم على حالها... حل ليها لجناح ودخل مخليها واقفة قدام لباب كتشوف وتمنظر... كان جناح كبيير كيطل على داك لبيسين ليبلا نهاية لكيطل على المدينة كاملة.. من لبالكو تحطي رجلك فالما.. كان الجناح ديالهم فالاخير مبتاعد على الغرف لخرين وعلى بيسين لخرين.. كان بووحدو.. دخلات غير حالة فمها فالتصميم كان كبير وتاهو من طوابق.. بدات كدور من الحمام ليبهرها لكوزينة وهي غادا على لبيت والصالوون حتا وقفات قدام لبالكو كتشوف لما وبدات كتغوت وكتنقققز
أنت تقرأ
عذراء ساقطة
Romanceهنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم. للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها : 🔥عــــــــــــــــذراء ساقــــــــــــــــطة🔥...
