عذراء ساقطة

part 46

بلا كلمة بلا زوج غير حول نظرو ليه هز فرديه تيرا جابها ليه فراسو.. طيحو جنبها مرمي بدمو وموتو.. بدا كيقرب ليها وهو فاشل وهي كتحاول تحرك ايدها لكترعد باش تجمع حويجها

_إياد (بدموعو) :كارلا

شافت فيه والدموع فعينيها وحقد وعياء.. وبقات كتشووف فيه وكأن الموت كتخرجها

طاح على ركابيه كيبكي بحال شي ولد صغير وكيشهق ببكاه.. فاااشل تماما

_ثوبة (بكلمات متقطعة) : الله ي ي الله ي ياخد ف فيك الحق

كانت آخر جملتها قبل متغمض عينيها وتمشييي وسط حجرو.. حس بحال شي جمرة وتلاحت كتشعل.. كأنه خنجر ودبحو.. كأن دعوتها تحققت والله خاد منو حقها وأكثر

هبط راسو ودمعتو على خدها نزلت.. كرز ايدو.. لاح عليها داكشي ليباقي وخدا تجاكيطتو لاحها عليها.. هزها بين ايديه ومشا.. معرف يفرح لأنه لقاها معرف يحزن لانه بسهولة ضيعها بلا ميحس

بعد مدة

فنفس الدار ليكان معاها فيها متكيها ومغطيها مبغاش يتححرك من حداها.. جالس وحالف مبقا يخليها وغيصبر لهادشي ليجاي واخا معارفش اش جاي اصلا باش يصبر عليه

بدات كتحل عينيها بشوي بشوي..حتا بدات كتنننخصص وكتغوووت جاتها كنوبة هستيرية.. معرف باش تبلا

_إياد :تهدني تهدني كارلا تهدني تهدني

كيحاول يقيسها ويبعد لانها كضرب فكللللشي وخصوصا هو ملي كيقرب ليها

_ثوبة :برااااا براااااااااااا
_إياد :صافي غااتهدني تهدني

شدها هاد المرة بزز من دراعها وعاود تكاها وشاف فعينيها

_إياد:سمحي ليا سمحي ليا
_ثوبة(عينيها لحمرين الدامعين) :الله ياخد فك الحق

غمض عينيه بقوة وخرج من لبيت كيعيط لطبيبة... مبقاش دخل عندها حتا جات الطبيبة.. دخلو بزوج كانت متكية على جنبها كتبكي وكذكر فالله فنفس الوقت.. عاودت ليها بانضة ليدها ولرجلها وعطاتها مهدن وشي ادوية وصفتهم ليه.. خرجو بزوج قدام لباب

_للطبيبة :خاصها الراحة التااامة.. ايدها مهرسة ورجلها موعتة وجسمها مهلوك بزاف.. وزيد حتا نفسيتها أكثر
_إياد :علاش كتقول على راسها ثوبة وهي اسمها كارلا والمشكل معارفانيش

_الطبيبة :هي مضروبة لراسها..الا شفتي اتلقا واحد لفاصمة لور.. اكيد اتكون طيحة او مضروبة ويمكن تكون فاقدة للذاكرة.. خاصني ندير ليها الاشعة باش تتحقق

_إياد :واش مغتفكرش
_الطبيبة : معارفاش اشمن فقدان للذاكرة عندها المهم متصدمهاش دابا
_إياد:شكرا

هز نفسو ودخل عندها معارفش حتا اشنو جاري حتا فقدات الذاكرة.. ودابا كيفاش غيبدا من اول وجديد مع شخصية سميتها ثوبة وماشي حبييتو كارلا