بمن اقتدى معذبي

الجار الجديد٣

زينب :
لبست جواريب وحجاب ومعاصم وجنطتي وحذائي وطلعت للباب لكيت ندى واكفه بالركن منتظرتني ندى صار ايام اروح وارجع وياهامن انتقلنا لهنا وهي خطيه كلش حبابة حارت بيه ويوميةصرنا نروح ونرجع سويه ...
-تأخرت عليج

-لا ابد بس صار الي نص ساعه واكفه هنا
-شسوي غير لما لبست طبقاتي
-هههه حقج بهاي والله

مشينا اني وياها للمدرسة وصلت واخذت الدروس تباعا ما انطونا حتى فسحة واني ما متريكه دك جرس الدرس الاخير ...طلعنا بره كلش دايخه كمشت ايد ندى بالشارع
-ولج ندى مدري شبيه
-يا شبيج زنوبة شصارلج

-ولج راح اوكع ندى
ما تحملت امشي ولا اتحرك كعدت عالرصيف وندى حارت بيه وبروحها ..التموا شكم بنية انطوني ماي غسلت وجهي وشربت وجابتلي بنية عصير يلا كدرت شويه اوكف ...

رجعنا نمشي بطئ اليوم عمران ما مداوم بس اني وياها ..وصلنا لشارعنا يحيى ابن عم ندى طالع من بيتهم واكف عالرصيف يم الباب هو شافنا تقرب
-تأخرتي ندواي ضل بالي يمج؟؟

-هاا مو زينب مدري شبيها داخت
التفت الي واني بساع نزلت عيوني يا الله شكد احسد ندى عليه
-سلامات
ما رديت عليه ابد ما محاجيته ...

مشوا ويايه وصلوني لحد بابنا شفت اخويه عامر بالباب كلش خفت حيسويلي سالفة هذا منافق ودائما يحجي براس بابا عليه يخليه يضربني

تقدم يحيى صافحه وندى سلمت عليه ووكفت بصفحة
عامر:تفضلوا
يحيى :زاد فضلك بس شويه الاخت دايخه ووصلناها اني وبنت عمي
عامر طول الوقت خازره ويحجي وياه بنتر هاي فوك زينيتهم وياي بالله ...عامر ما يعرف يحيى لان اصلا من اجينا للمنطقة لهسه ما لافي هنا

ودعتهم وفتت للبيت بعدني بالطرمه انسحب حجابي من وره وعامر تهجم عليه بالضرب المبرح ...خفت واحتميت بايديه احمي بس وجهي

-س...تريدين تفضحينا تريدين تعيدين امجاد عمتج لازم منو هذا
-عامر وروح الحسين مريضة ووصلوني وهذا صديق حسنين ابن خاله عواطف اسأله عنهم البنية صديقتي

-منين مريضة كلبه اليوم الا اخلي ابوي يصلخج ماكو بعد مدرسة
كمشت ايده ابوس بيها

-عامر عليك العباس ما تكول اله عفيه خويه والله يبطلني يريد حجه
-لعد تحترمين نفسج وتصيرين ادمية لا والخلقج بعد ما تشوفين الشارع
-والله عامر والله بعد ابد ما الي علاقة باحد الله يخليك خويه عليك بالحسين تخليني اكمل هالسنه
-بس هالسنه
-اي والله

طلع وعافني شلت جنطتي واغراضي وفتت لداخل البيت امي كاعده تباوع من شباك الطرمه علينا ما تتدخل ولا تحامي الي ...اول ما فتت حجت

-ها شسويتي ولج
-احسن ما تساليني هيج سؤال اساليني شصار وياج شبي شكلج شبيج الا اسوي وترتاحين
-ام لسان نكسه ادري بيج تحطين راسنا بالطين تاليتها لسان مال دايحات
-خلف الله عليج شكول وانت اسمج امي ...