بمن اقتدى معذبي

اتفاق مدبر

مفاجأة😍😍بس وينه التصويت يا حسرتي 😏😏

ندى:

خلصت كلامي وياها وبجيت بنهاية المكالمة ما اكدر امشي بهالنهج اكثر ...اتصل هو وراها بلحظات رديت عليه بقهر
-هلو خالو
-هلا الغالية هاا اتصلت بيج شكالت الج ...شسويتي؟؟

-خالو ارحمها وارحم نفسك وارحمني وياكم والله ما تكدر بعد راح احجي الها كل شي
-لا شبيج ندى ..خليها فترة وتتعود وهي تنسحب من يمها

-تتوسل بيه اكول الك مريضة حتى تحاجيها خالو كافي اعفيني من هالوضعية كلها ..زينب صديقتي وما اكدر اضحك عليها اكثر ..تكول خل يتزوج وما الي شغل بي وين اكو مره تتحمل ..
-شوفي هالحل الوحيد اللي كدرت عليه وياها كل يوم يمر تتعقد الامور اكثر ولا اني ولا هي نكدر بعد ..
-زين بس احجي وياها وفهمها 

-اذا احجي وياها معناها اروح اجيبها وخلص ..اكولج خليها تيأس وتبطل
-زين انت تتحمل بيوم تشوفها عند غيرك ؟
-ندى!!
-شوف حتى ما تقبل تسمع شلون لو صارت صدك

سكت ما جاوبني ..وضليت الح وياه يروح الها ويشوفها وهو بقى معاند للاخير ...سديته وكعدت مهمومة بسببهم اثنينهم...كمت من مكاني امشي ..انصدمت بجسمه الضخم واكف وراي ...ضربته بقبضة ادي على صدره
-شبيك شكم مره اكولك لا هيج تسوي ناوي تجيب الي السكر انت

ابتسم وكمش معاصمي وجرني اله ...باسهن ورجع بوس وجناتي برقة
-اسم الله عليها حبيبة روحي

-ليش تتسمع شوكت تبطل هالعادة
-ما متسمع
-تره هذا مرض حيدر
مبتسم بذنب ويبوس بيه واني كنت احجي جد
-خالج هذا

-هاا عود ما تعرف منو وشحجينا ..اشك حتى اتصالاتي مراقبهن انت
-ديلا كافي ههه
-لا مو كافي
حاوطني بحضنه ويبوس بيه ...واني ادردم ..
-ليش هيج تسوون ببنت خالتي انت وياه ..وهم بعد تتشكين منا وتصيحين ويلاه ..شمسوين احنا هاي انتو واتفاقاتكم
-اووف لا تذكرني ودير بالك تجيب الها سيرة 

-ابد اني شعليه

-خالج غبي
-حيدر !!فوك الضيم انت عليه
-صدكيني ما يعرف مصلحته بنية حبابة وتحبه وتريد خاطره وهو مصمم يخرب حياتهم بحجة اطفال وخلفة
-عندك ما يعنون بس عند غيرنا كل الحياة هي الاطفال وهمه محرومين تره شي طبيعي تعلقهم
-خل يتزوج

-اي بالله وهي ؟؟
-هي تحبه وهو يحبها وعايشين عليش هالحركة السخيفة منه يريد يتزوج خلي يتزوج
-لا تخليني اضوج
-لا هذا الصح بحالته هو وزوجته مو كادرين يبتعدون عن بعض والشرع حلل اربعه
-بس هاي تعرفوها انتو 

ضربته بعكسي ببطنه لان كان مكعدني بحضنه
-تره مدا احجي عني ههه..عنه هو..شبيج
-هاي افكارك عن المرأة دومك ظالم واني اخاف من هالتفكير والعقلية .... تدري اكثر شي يكسرها زواج ثاني هالنوب تشوف خلفته اللي تنحرم هي منها لا بهالحال الفراق اهون لا بل الموت اهون !!يعني انت اذا هاي افكارك من هسه اكول الك اعفيني عن البقاء وياك ..