بمن اقتدى معذبي

مرض ...

زينب:
كعدت من الصبح واني نايمه بالكاع متكسرة وكفت كوة اسحل بجسمي هسه اني ناقصني من شغل البارحة تكسرت وهذا نام عالسرير وعافني عالكاع ..خل اطلع لا الحجية تسويلي سالفة على نايمة للظهر ...باوعت الساعة بالستة بعدها ...لفيت شعري وكمت طلعت ملابس طويله من الكنتور ..انداريت لكيته كاعد ويفرك بوجهه ..ابتسم مستغرب من شافني تفاجأ يمكن طبعا تتفاجأ حقك؟؟؟

-صباح الخير
-هلو
جاوبته بوجه متجهم ما الي نفس اباوع لوجهه
وكف واجا يمي وكف قريب

-زعلانه زينب؟؟
-عليش ازعل ليش انت مسويلي شي ....سكتت بعد ما نطقت بغبائي بالكلام وكاني ميته على هالشغله
-اني اسف لان تاركج

تقرب يمي واني نفرته راد يكمش ايدي فلتت منه
-اريد اطلع
-نسولف شوي واطلعي 

يبس حلكي وارتبكت حيل بقربه هذا وهو اجا اقرب بعد ساحبني عالسرير كعدني ...ما اعرف كرامتي اذتني هواي بهاللحظه هم راح ياخذ مني اللي بباله ويعوفني مرميه هنا فد مدة محد يعلمها بس هو؟؟ دفعت ايده عن ايدي نكتتها
-شعجب وتسولف وياي همزين لما تذكرت ..... شكد اني خرسة وفطيرة وما اعرف ارد بس سوايته بيه خلتني انطق بلا تردد ...

-اعرف وحقج ...باوعي زينب منا ورايح انام هنا بعد
-واني وين انام
-يمي
غرغرت دموع بعيني ...هو هذا اللي اتمناه ليش هسه ما اريده ؟؟؟
-ما اريد 

-شنو ما تريدين تره رجلج والي حقوق مثل ما عليه واجبات وانت هم حقج ....
قاطعته قبل لا يكمل
-وانت تنازلت عنها واني مرتاحة
خزرني وعصب
-هاا

-اي وعلي كلش مرتاحه
وكف عبالي زعل وحيطلع دنكت ضايجة عرفته ما يطول وياي اصلا ما مهتم ...بس تفاجأت بدفعه الي عالفراش معتليني وشفافه تقربت يريد يبوسني صديت عنه كلش اختنكت ما متحملته ...
باسني برقبتي 

-مو تريدين هاي
-كوم عني تخبلت ما اريدك ولا اريد منك شي
-ما تريديني زينب

-عوفني ميل عني اريد اطلع ..اخاف اهلك يزعلون ويعاركون وانت تغلس وتسكت وتنام بالمخزن هالمره واني انضرب وانت تتفرج ..كنت ارادده بوكاحة اني نفسي مستغربتها ..
-طالع الج لسان ولج لعبالج عايفج تخربطين بكيفج

-من ضيمكم شوفتوني ايام سودة وانت السبب ...دفعته عني واريد اطلع كمت ابجي وما اعرف شنو احجي كلش مقهورة كنت وحاسه روحي انمسحت بالكاع اني وكرامتي ...
كمشني من خصري جارني اله مره ثانيه
-ولج تعالي هنا شبيج تخبلتي

-اي تخبلت هو اني يا يوم عاقلة بيوم اللي تزوجتك ثبتت اني مخبلة
-بس كافي لا تخليني اذيج؟؟
-عوفني شرايد مني ..نترت ايدي وهو مجلب بقوته وعيونه جاحظه بوجهي بعصبية وجهه احمر دم ...تنفسه سريع
-تحبيه هاا؟؟؟

انفجعت من حجايته والدمع صار يجري بلا سيطرة مني
-منو هذا ؟ كل عقلك تحجي عوفني والله تحلم تطخني انت بعد
-تسألين منو ؟؟؟يحيى؟؟لو ما مأملته بيج ما يضل مجلب
-اي مو أملتك الك حتى امله عوفني حسبي الله بيك وباهلي هم اللي .....سكتني بصياحه خوفني صدك.....
رفع ايده يريد يضربني حميت وجهي بايدي وعطت لا ارادي وانعادت عليه صور عامر وتعنيفه ...بس ما وصلني كفه ...شلت ايدي عن عيوني لكيت هاشم محني وايده على بطنه وتلوع روحه