بمن اقتدى معذبي

انتحار

اعذروني هذا بارت الليل بس ضل بدون تدقيق لان ابن عمي كعد ولكاني سهرانة وترزلت😊😊

تطلبوني بارت عنوني بالليل اليوم ....اعذروني عالتقصير ...

ندى:
وعيت على نفسي حاطيني بفراش بغرفة ببيت عيالي ...فتحت عيوني كان منطيني ضهره وحاط ابني بحضنه واكف يمه حسنين يسولفون

-يول شكد حلو ابنك سويتلي واهس للزواج فدوة شلون شكار
-ما تخلف مثله انت اجكم شيجيبك يم ابني
-ديلا عاد هسه انت شلونك..تكول القائد غاندال وجهك مطعج الفخر لامه وخوال امه طبعا نسخه من هاشم هم ...
-انجب سا..قط...شلون اطيح حظه هسه ما يعرف يسكت

-ههه قابل كذبت ابنك طالع لامه شكلت اني ..اكولك هسه ما عدها هي اخوات افتهمنا بنت خاله بنت خال منا مناك شي
ضحك وهذا دفعه
-ولي يلا دي ما عدنا خلصنا

-هينه هاي وره ما رحت واشتريت الحفاظات لان حضرتك تستنكف مقامك عالي ومركزك ما يسمح .. تالي هيج انطرد هين تحتاجني فد شويه واروح اجيب لابنك ممية شي ..مو تجيني بعد؟؟
-لا خلفت عليك رضا موجود
..كعدت بهاللحظة مفزوعة كنت اسمعهم بس عبالي اتخيل

-ابني!!
اندار مبتسم الي

-حبيبتي صحيتي ...هاج كروري ديريد يرضع وانقهرنا عليج نكعدج

بقيت خازرته اشرت اله ينطيني ابني ..حطه بحضني ..شكو بجي بالدنيا نزل عليه بلحضتها انهاريت من باوعت بوجهه ..كان الطفل بايدي وهو يفرك بضهري وكاعد ملاصق الي بالسرير ابو النفر
-حيدر عوفني بحالي وروح اطلع بره

-شمسوي حبيبي كاعد يمكم اخاف تحتاجين شي اساعدج بأبنا بعدين تعبانه انت بعدج من اثر ولادتج
-انت صاحي انت ..اخر بشر راح احتاجه انت مستحيل بعد استند لبشر مريض مثلك... خايف عليه ؟؟
-عاذرج تحجين لان مريضة وتعبانة ...عمتج ام يحيى وامي بره اذا تحتاجيهم انه طالع لاجل راحتج اعوفج ترتاحين ...ابقوا هنا فترة وراها نروح بيتنا وتنتهي المشكلة من اساسها

-انت طلكتني اذا تتذكر ما احل الك بعد
-هاي لو كنت بحال تسمح الي افكر بلحظتها اكول مطلكج هسه انت لسه على ذمتي ..ما كنت واعي بوقتها
-وشوكت توعى لنفسك لما تموتني انت واحد مريض بلا رحمة وانه بعد ما امن ابقى وياك دقيقة
باوع الي بطرف عينه مستهزأ

-هاي انه وتعرفيني !!شتسوين انت؟؟
-اخذ ابني وامشي
-ههه ضحكتيني منو بحالج حتى يكون بحال ابنج
بجيت بانكسار كنت لا الي طاقة بدنية ولا نفسية تساعد اتحمل كلامه لو اناقشه وصلني للانهيار التام ولا اعرف شلون واتصرف

بديت احس كلامه صح ومواقف اهلي ثبتت الي همه مو بحالي ومشاكلي والدليل رادوا ينطوه ابنه ويعرفوني راح اموت اذا اخذه ...مرات كثر الكلام ينعاد بذهنج يترسخ فكرة انه صح ...اهلي بعد ما ولدت ابو حيدر طالب منهم فرصة لزواجنا وداك صدره ومتكفل بيه وبابني وناطي وعد ما تتكرر ولا يأذيني بعد ..وهاي كانت بحضوره هو هم راح الهم ويه ابوه مدري شعجب هالمره تنازل من برجه العالي وراح الهم كل فترة زعلي ما اجا ولا فكر هو يراضيني او يقنعهم .....