ندى:
روتين حياتي كله تغير ويه حيدر ..حسيت باهمية وخاصة لما صرت مسؤوله عن بيت ورجل وحلو الاستقلال بالزواج...
بالبداية كنت ما متعودة بس بمرور الوقت كلش انسعدت وياه ..يرجع من دوامه اكون محضرة اله حمامه وملابسه ..يسبح وناكل لكمه ونقضي وقت مع بعض والعصر ياخذني يم اهله نبقى لقبل المغرب ونرجع
عمتي كلش تحبني ويمكن بعدي عنهم خلاها للعلاقات طيبةاكثر ماكو ابد سوالف العمة والجنة ...
باول شهرين ما تعرضت لاي موقف من حيدر ولا كلمة زعجني بيها..بالعكس كان مدللني من كل النواحي وكل شكم يوم يجي بايده هدية ملابس او قطعة ذهب او مكياج ذوقه جدا راقي وما يجيب ابد شعلة مو حلوة ...ومقابل هداياه كانت مجموعة طلبات مرات ما اكدر عليها مرات بسيطه واحبها ...مثل اهتمامه يطالبني اهتم واني ما قصرت ابدا وياه بحيث صرنا جدا قريبين لبعض وما نكدر ابد نفترق لو دقايق ..بس والبس هنا كانت علتنا ..عصبي غيور الى درجة الشك ومزعج بتحكمه وقراراته اللي ما يناقشها ابدا ...
مرات اغلس ومرات اضوج ومرات نتعارك ..بعدها بديت اشوف العيوب تظهر ولسانه ما يتحكم بي ومرات يجرحني بغير حسبان وهم ما يعتذر وحتى لو ازعل يلكى طريقة يخليني احجي وياه بدون اعتذار ..هالشي كنت اكرهه وهو يتعمده وماشي بي مبدأ بعلاقته ويه كل النساء بان ماكو زعل وماكو اراضيها بس مو بكل امر ممكن تكدرين تتقبلين هيج شي ..مرات العتب والزعل والمراضاة تطيح حطب مثل ما يكولون وتخلي القلوب تنظف وحيدر يجيب ويعبي ويختم ويضم ..رتبهن ترتيب الي الجروح .. وكل كلامه عن النساء بان هنه خائنات وما يستحقن الحب ؟؟
......
طلعت الظهر من مشتملنا لبيت عمي من خلال الباب الفاصل ...نزلت لبيتهم وساعدت عمتي بالمطبخ لان طلبت هي مني هالشي ..اساعدها لان اخواتها يجن وهم اخوانها ..جايين للزيارة ويباتون عدها ..
نظفت الهول والمطبخ والاستقبال وفرشنا فراش جديد ورحت للمطبخ نكمل حشوة الكبة ..بهالاثناء دخل حيدر ووراه رضا ..شافني لو عيونه نطت من راسه ..ما حاجاني كدامهم بس ترخص واخذني وياه وغسلني غسل بالرزالة شلون رايحه هناك من دونه ...ما فهمت عصبيته هاي كلها ليش ..صياحه يمكن وصل سابع جار ...سكتت ما اريد اجاوبه عصبي وشاحصل منه هسه غير قلة القيمه والاهانات ..سكتت عنه وهم ما تركني جرني يمه بقوة
-دا احجي وياج شنو زعطوط هيج تتعاملين وياي تتجاهلين كلامي
-لا بس انت معصب واني ما اريد تصير المشكلة اكبر وانت تتجاوز هذا كل الموضوع
-واكسر راسج هم ..بكيفها تتمندل ببيت عيالها ما تكول حمى عم فايتين شعندج هناك لو هي مرض الا اكسر كلامك..وبعدين شكم مره كلت هالملابس ما ينلبسن هناك
-شبيك اخ ايدي حيدر دتأذيني ..عمه كالت ساعديني ورحت الها ومو لازم ابد بعد ما اروح شكو هالعصبية حاجيني بهدوء واسمعك
-ودي اكطعج هسه اني شكد منبهج روحه هناك وحدج ماكو ..بيت اهلي كله شباب من عمرج واكبر تكعدين ببيتج ومن اجي نروح سويه وساعدي اشتغلي اني ما حاجي
أنت تقرأ
بمن اقتدى معذبي
ChickLitقصة باللهجة العراقية ....عن العنف الاسري اتحدث عن خيارات خاطئة وافكار تستوجب التصحيح
