بمن اقتدى معذبي

بارت صفاوي 🌷

بارت مفاجئ وبدون تدقيق املائي عبوا سحكات اليوم 😁😁 

صفاوي لساج ما تدرين لو دريتي هذا البارت الج مخصوص حتى تدرين زين شكد احبكم اني 😂😂يلا نشوف يا تعليق بعد يخلينا ننزل اله بارت 🥰

ونواصل القول ...السب والشتم مسموح 🙂🙂

ندى:
صعدت الدرج للفاصل ويه عيالي بصعوبة ..فتحت الباب وفنت للممر واني كوه امشي وجع بطني احسه زاد وتتكطع كامت ...كعدت ما كدرت بعد اكمل حسنين بالصدفة كان صاعد للطابق الثاني شافني بهالحال اجا بسرعة شالني عن الارض اللي برودتها احسها تخللت عضامي ..رطوبة جواي عرفت روحي سقطت كل الايام الفاتت اني شاكه وخايفه من حيدر ورد فعله..يلا الحمد لله هالمره اني اللي خايفة من ارتباطي بي بطفل ..انسان مريض مستحيل اعيش وياه ...
نزلني درجهم وعاط على اهله التموا علينا كلهم انصدموا بشكلي ويسالون شكو وشصاير واني ما طلع مني غير اكول الهم طلكني وصدمتهم زادت اضعاف 

حسنين كام يصيح
-حيدر العار اليوم ابتلي بي ومحد منكم يكول ليش بعد؟؟هاي مرته عود اللي خايف عليها وعلى سمعتها

..تعاي يمه عينيني جيبي الها عبايه اوديها مستشفى دتنزف ..خجلني بحجايته صرت بنص هدومي الله لا يوفقك حيدر عاللي سويته بيه وفضحتني واني مستورة ..

ابوهم كام يحجي
-طيح الله حظه الما يعرف مصلحته ولا يدبر اموره خل يولي يطبه مرض يلا ام حيدر ناخذ البنية مستشفى
اجتي عمتي يمي 

-ولج يمه نداوي سودة بوجهي هاي شمسوي بيج انكسرت ايده ..حطت عباية عليه وحجابي عدلته بايدها
كلهم التموا واني الم بروحي وبالم يعتصرني اسد عيني بلكت تروح نظرتهم المتعاطفة ولا اشوفها وهم خجلانة من وضعي هذا بينهم والنزف ماخذني وين ما اكعد يبقى اثر همه يمسحون عادي محد حسسني بشي..ابوهم بعدهم من يمنا وبقى بس حسنين 

-كوموني للسيارة وطلعوني للمستشفى وهناك صارت الصدمة ...الدكتورة اللي استقبلت حالتي وشافتني بقت تشجعني اشتكي
- تقدمين شكوى اعتداء بالضرب اني وياج تره واسويلج تقرير مرتب وهذا البره نوديه لمكانه الصح وهم اذا تريدين تتطلكين يفيدج..كان عبالها حسنين زوجي ..