بمن اقتدى معذبي

عيناها ...ومجنونين

تُخادعُني سهامُ اللَّحظِ سراً
تُحيكُ بنظرةٍ شهواتِ قلبي

ويغمرني الهيامُ فلا سبيلَ
ليهدأَ ماتبعثرَ في وجيبي

فيا عجبا وعيناها كخمرٍ
أناظرُها فأسكرُ دونَ شربِ

ويسبقني الغَمامُ بضمِّ شهْدٍ
رحيقُ دموعها آخذاً بلبّي

هي الأولى ويقتلني جفاها
إذا سمعتْ نميمةً لا تُلبي(منقول)

هاشم:
مريت لمدرسة ندى اشوفها واسال عنها كنت ويه ولد صاحبي صعدته بطريقي وياي امه مديرة مدرستها وهو راد يروح لامه ياخذها كلت امر وياه ...

نزل هو واني بقيت يم سيارتي بره مرتجي عالبنيد اباوع للطالبات ديطلعون عيونهن طايرة ولا كأن عمر اعدادية والحياء حلو للبنت ...اني صرت ادنك وهنه يباوعن...انتظرت طلع الولد وراه والدته سلمت عليها لان اني اعرفها جيران اهلي وهم صديقة امي هي ...انتظرنا شوي بعد وطلعت حبيبتي شمعه بنص البنات لايكه عليها العبايه حيل لحد فترة قريبه يلا اقتنعت تلبسها ...

لمحتني واجتي تركض ذيج بعدها ولا تكبر من تشوفنا..وكفت يمي سلمت وسولفت ..انتبهت على وحده واكفه بعيد ما تباوع الي بس لندى ...سبحان الله شكد لطيفة وعيونها بيهن براءة عبالك طفلة ضايعه وخايفة ..اني بطبعي اباوع وما اتصور اكو شاب اعمى ..بس من شافتني اباوع الها انهزمت وانزوت بعيد شويه...تقربنا قريب منها وهي تبتعد شبيها خبلة هاي؟؟

-يلا اوصلج وياي نداوي
-هاا مو زينب ؟؟

-يا زينب
-صديقتي ... وهم عمران ما طلع بعد ما حلت مدرسته
-هاا يعني شلون هسه دمشي يرجع عمران شكو عليه وصديقتج خل تجي ويانا
-تريدها تتخبل عليه لا عيني وهم عمران عمه هواي توصيني عليه ...وهاي ما تجي ...توكل خالو قريب دربنا
-عاب شكلج مو مال توصيلة

-هههه مقبولة من الخال العزيز الرزالة
صاحت عليها صديقتها بصوت ناصي ناعم
-ولج ندى يلا عفيه نمشي 

اندارت الها وحجت بطريقتها الخشنه عبالك زلمه حشى هذا صوت وذاك صوت مال بنات
-شبيج ولج خالي هذا واكفة ويه صاحبي قابل
-عفية امشي الله يخليج

-شبيها هاي صاحبتج؟؟

-ما بيها عوفها هسه تبجي لان تاخرت اسولف وياك يلا باي ..
-اوصلجن؟؟
-شجلبت البنية راج تنجلط عالبعد وهو يريد يوصلنا غير تصير عليها قضية امن وطني توكل خال
-امداج

-خليني مؤدبة وما اطلع لساني الك احنا بشارع
-عود صايرة جبيرة ومگبعه ام گمله

-اتجاوزك باخلاقي ...عيب فشلة من صاحبتي تشوفني ارزل بخالي
طكيت ضحك وياها وهذيج حسيتها صدك منزعجة من وجودي انسحبت وضلت ببالي ليش هيج انعزالية حتى سلام ما اجا بحلكها...